Home Cultura Antonieta Ras-Booi a bira ganador di Festival Bernadina Growell-Kock

Antonieta Ras-Booi a bira ganador di Festival Bernadina Growell-Kock

158
0
SHARE
- Advertisement -

ORANJESTAD (AAN):  Fundacion Bernadina pa medio di un comunicado ta gradici un y tur pa nan aporte na e grandioso festival edicion #7 di cancionnan tipico dedica  na nos inolvidabel Mama di Cultura Aruba dfm, Sra. Bernadina Growell-Kock.

Ganador maximo di e festival aki cu a tuma lugar diasabra dia 8 di juni den centro di Bario Brazil tabata Antonieta Ras-Booi.

Di 2 luga:Mario Kelly Jr.

Di 3 luga; Lucia Thiel.

Di 4 luga: Hubert Ras.

Di 5 luga.: Daphne Kelly-Martyn.

Cantante mas Popular: Jessica Gonzalvez.

Un pabien grandi di curason na tur ganado, famia di Bernadina, henter organisacion, Fundacion Bernadina. Palabranan di gratitud ta bai den direccion di voluntarionan, cada un di e participantenan, protagonistanan di e anochi, sponsornan, Aruba Bank cu a yuda cu trofeonan, na Instituto di Cultura, na  VIP Radio, na cada director, banda, musico, cantantenan, cuerpo di hurado, ekipo di zonido, maestro di ceremonia, reinanan, grupo di baile,  prensa y publico en general.

E tremendo aporte di un y tur a garantisa e exito di un edicion #7 di e Festival, cu yen di ambiente y colorido. Durante e anochi a corona diferente Reina di cultura. Fundacion Bernadina a corona su reinanan.

  1. Ivy Anne Brayson: reina chikitin 2. Genisha Angel: reina dama cultural 3. Giannine Wester-Orman reina gran dama cultural y despues 4. Lilian Koolman- Besselink: dama grandi cultural. Grupo di baile Danza Aruba tambe a corona nan bunita reina den persona di Gladys Ignacio.

Special palabra di aprecio y gratitud ta bai tambe pa 4 hobennan cu a participa na e festival: Ivy Ann Bryson, Edyliene Nicolaas, Javinah Besselink y Priscilla Quandt.  Masha danki tambe na Daniel Willems pa su bunita presentacion.

 

- Advertisement -

DUNA COMENTARIO

Please enter your comment!
Please enter your name here