Home Impuesto App nobo ta un canal di comunicacion mas cu DIMP ta brinda...

App nobo ta un canal di comunicacion mas cu DIMP ta brinda na e contribuyente

64
0
SHARE
- Advertisement -

Meverly Romano, Vocero:

ORANJESTAD (AAN): Vocero di Departamento di Impuesto, Meverly Romano, a duna di conoce cu e app cu nan a lanza “Bo Impuesto” ta hopi importante pasobra ta un canal di comunicacion mas cu DIMP ta brinda na publico.

“E ta un producto cu nos a hinca hopi esfuerzo y dedicacion den dje. Y nos ta sigur cu lo bay yuda nos duna e servicio eleva cu nos ta desea”, a manifesta.

E idea pa lanza e app aki a surgi na momento cu nan tabata prepara pa bay otorga 85 mil plachi di number aña pasa. Tabata pensa cual ta e mihor manera pa por yuda e clientenan ora di otorga un cantidad asina grandi.

E prome pensamento cu a bin tabata ariba un sistema unda por a haci esaki realizabel ariba un app. E ta lamenta cu no a keda cla cu e app prome pa asina por a realiza e parti di ‘aanspreken’ pero esey ta keda e intension.

Segun Romano, nan a sigui cu e idea cual a bira un producto final. Departamento di Comunicacion di Departamento di Impuesto tabata hopi envolvi den esaki tanto pa loke ta trata e diseño di e app.

El a agrega cu e desaroyador a haci un tremendo trabao den esaki. Pa loke ta trata e diseño di e app mes, a ‘brainstorm’ diferente biaha cos nan kier y kico nan kier. Pensa ariba e lenguahe cu ta full na Papiamento, pero e intension ta cu e lo bay aparece tambe na otro idioma den un futuro.

Otro aspecto cu mester a tene cuenta cune ta e imagen corporativo di DIMP. “Nos tin cu percura pa e colornan di nos organizacion ta wordo uza, e diseño, hasta e tipo di leter cu nos ta uza nos tin cu determina, a indica.

Nan departamento tambe tabata encarga pa controla e uzo corecto di papiamento. A percura tambe pa e contenido di e app. Esaki tabata algo hopi importante y den esaki tur e coleganan a participa y a duna un aporte hopi grandi na esaki, a remarca.

Pakico “Bo Impuesto” y no otro nomber? “Na final di dia nos tur ta comunica cu otro. Nos tur kier comunica cu nos contribuyentenan y ora cu nos ta comunica cu nos contribuyentenan nos ta papia di e impuesto di e persona, cu ta bo impuesto, a bisa.

E tagline a usa: #fullsuave, a bin cu e idea aki y kizas e ta parce algo chistoso, pero e ta mas bien pa ilustra cu entre Departamento di Impuesto y e contribuyentenan no tin un muraya. Semper ta posibel yega na otro cu un bon comunicacion, Meverly Romano a expresa.

Banda di esaki a introduci un figura nobo cu ta un ‘super heroe’ cu yama Boi. Akinan a pensa ariba un super bon servicio cu kier duna. No ta asina leu ainda y tin hopi pa haci, a remarca.

DIMP ta duna servicio na mas di 50 mil cliente y esaki ta un cantidad considerabel cu kizas no tur ora por tene tur hende contento, pero e dunamento di servicio ta keda hopi importante pa DIMP, a agrega.

- Advertisement -

DUNA COMENTARIO

Please enter your comment!
Please enter your name here