Home General Aruba mester prepara pa investigacion scandal criminal

Aruba mester prepara pa investigacion scandal criminal

462
0
SHARE
- Advertisement -

Publicacionnan internacional a confirma informacion di DIARIO atrobe

*Caso a rementa na 2015 y tata di empleado clave di Citgo envolvi

*Citgo ta confirma cu el a pone hende traha riba investigacion interno

ORANJESTAD (AAN) –Despues cu DIARIO cu ta haci su propio investigacionnan rond mundo, a publica ayera cu Aruba ta parti di e investigacionnan cu ta tuma luga den Citgo, prensa internacional tambe tabata tin e investigacionnan criminal den Citgo como su titularnan importante. Citgo tambe a bini dilanti pa confirma loke continuamente DIARIO a publica pa adverti Aruba cu e mester ta prepara pa investigacionnan cu ta inclui Citgo Aruba.

DIARIO no ta depende di loke prensa internacional ta trece dilanti y a demostra di por presenta documentonan pisa di Rusia mes si esaki ta necesario.

Awe atrobe DIARIO ta presenta dos prueba pa su publicacionnan.

Prensa internacional no tabata na haltura cu Citgo a conoce un Hunta di Directiva nobo na Merca a base di nombramento di Presidente Juan Guaidó. DIARIO a presenta potret di e dirigentenan nobo na Aruba cu despues a ricibi informacion internacional riba e asunto.

Ayera atrobe DIARIO a base di informacionnan exclusivo cu cual el a saca Aruba for di e fantasia di Citgo, a prepara Aruba pa e hecho cu cualkier momento dirigentenan di Aruba mester coopera cu investigacionnan interno di Citgo pero tambe di parti di autoridad di Merca a base di actonan criminal cu tabata tuma luga na e empresa tempo Aruba tabata negocia e acuerdo Citgo.

DIARIO a presenta prueba cu persona di Citgo cu a bisa autoridad Mericano cu e tabata culpabel den un caso pa laba placa y entrega falso di entrada, ta tata di e administrado Krizia Gravina, kende tabata tin un relacion hopi cera cu Nelson Martinez.

Ta den e ambiente aki a firma e acuerdo di Citgo loke ta haci cu investigacionnan di Citgo sigur lo inclui Aruba ya cu tin iregularidad cu placa cu a bandona Citgo pero nunca no a yega nan destino Aruba.

Ta e deber di DIARIO pa prepara Aruba, cu manera for di aña pasa DIARIO a revela, a wordo hinca den un escena sumamente dudoso, cu e grupo di Guaidó a pidi un compania di accountant externo investiga.

Ta a base di e investigacionnan aki, Prome Minister Wever-Croes a wordo avisa cu tin investigacion.

Ayera informacionnan internacional ta bolbe trece dilanti e confirmacion di Citgo, cu tur cooperacion ta wordo duna na autoridad Mericano pa realisa e investigacionnan criminal.

Citgo Aruba ta un filial di Citgo y den tempo di Maduro no tabata parti di un compania di estado di Venezuela pero manera tur compania di estado di Maduro, un marioneta den man di Grupo Maduro cu Corte Mericano ta considera riba e centro di tur accion cu propiedadnan di PDVSA.

DIARIO lo sigui informa Aruba a base di berdad, mientras e isla mester prepara su mes pa un situacion nunca bisto na Aruba, cu ta parti di un scandal criminal a base di e negociacionnan y desaroyonan rond e proyecto Citgo.

- Advertisement -

DUNA COMENTARIO

Please enter your comment!
Please enter your name here