Home Policial Aruba su careteranan ta insigur y poniendo acerca otro factor manera ‘texting’...

Aruba su careteranan ta insigur y poniendo acerca otro factor manera ‘texting’ e ta bira mas peligroso

604
0
SHARE
- Advertisement -

Alto Comisario Andrew Hoo contento cu campaña:

ORANJESTAD (AAN): Alto Comisario Andrew Hoo a duna di conoce cu e ta hopi gradici cu Kiwanis Club of Aruba y New India Assurance pa tuma e iniciativa pa cu e campaña di “Don’t Text and Drive”.

A bisa cu el a wordo acepta na cuminzamento di e aña aki pa participa den e proyecto aki. “Mi a tume cu man habri pa cu Korps mes pasobra Cuerpo Policial no por handle esaki su so. Nos mester di comunidad y instancianan asina aki pa yuda nos pa concientiza pueblo ariba e peligernan cu tin di ‘text and driving’.

Hoo a indica cu tambe tin coremento bao di influencia di alcohol pero tambe ‘texting’ cu ta prohibi pa e automobilistanan ora nan ta core auto.

Aruba su careteranan ta insigur mes y poniendo acerca otro factornan cual ta ‘texting’ ta bira mas peligroso, no solamente pa e chofernan pero pa e peatonnan, ciclista y otro deportistanan cu ta haci uso di e careteranan, a remarca.

Esaki ta un bon iniciativa, a bisa, y e ta espera cu esaki por sigui y otronan uza esaki como ehempel pa sigui concientiza pueblo pa cu e peliger di ‘texting and driving’.

Alto Comisario a agrega cu ora nan para e autonan y polis ta constata cu tabata tin textmento of e telefon mes den man, ya caba ta castigabel. E boetnan ta wordo duna.

Conhuntamente cu e campañanan di concientizacion y e boetnan cu ta cay e ta yuda. “E tin su efecto den comunidad”, a laga sa.

E uso di telefon ora di core auto ta bay keda tog pa algun tempo, pero den un periodo di tempo ta bay cuminza wak e efecto positivo. Esaki ta e comienzo y tin cu keda persevera ariba dje, Hoo a manifesta.

 

- Advertisement -

DUNA COMENTARIO

Please enter your comment!
Please enter your name here