Home arte y espectaculo Aruba Symphony Festival a origina na Venezuela cu un sosten nacional

Aruba Symphony Festival a origina na Venezuela cu un sosten nacional

58
0
SHARE
- Advertisement -

El a wordo realiza 12 aña largo cu un publico di 4 mil persona

ORANJESTAD (AAN): Aruba Symphony Festival and Academy ta un festival cu ya caba tin 5 aña tumando lugar na Aruba.

Simon Gollo, director artistico di e festival y director di Nuevo Mundo Foundation a duna di conoce cu Nuevo Mundo Foundation tabata e nomber di un festival cu a wordo realiza na Venezuela durante 12 aña.

Esaki tabata e festival mas grandi di musica academico y musica di camara. Nan a cuminza cu mas musico ariba escenario cu publico. E mesun historia cu na Aruba, a bisa.

Diesdos aña despues, 4 mil persona tabata asisti na e conciertonan y tabata tin un apoyo no solamente di e ciudad of di e estado, pero un apoyo nacional. “Apesar di  tur e malnan na Venezuela, tabata tin coincidencianan den e desaroyo musical. Awo no ta asina mas”, Gollo a manifesta.

Despues di tur e añanan aki, cu e por a desaroya e experiencia aki, Simon Gollo a conoce e conocido arubiano Clyde Harms na Venezuela, kende a descubri e proyecto aki. Harms a invita Gollo pa realiza un concierto na beneficio di e fundacion cu e tabata presidi na e momento ey. “Ami como un hoben aventurero a bisa por supuesto, ban pa Aruba y yuda den loke nos por yuda”, a indica.

Na otro banda, Clyde Harms a duna di conoce cu Gollo, ariba su mes a ofrece pa bin Aruba y a bin cu un pianista y gratuitamente a toca y a recoge suficiente placa e anochi ey, pa asina e fundacion di becanan por a paga e ‘tuition’ di tres studiante arubiano na un universidad di Merca.

Harms a agrega cu pesey e tin hopi admiracion y gratitud pa Simon Gollo pa loke el a haci pa Aruba.

“Como arubiano mi ta urgi e comunidad pa sostene e proyecto aki di Simon pa mustr’e cu nos ta aprecia loke e ta haciendo pa Aruba”, Clyde Harms a expresa.

Aruba Symphony Festival and Academy lo wordo realiza na Aruba di 17 pa 27 di Juli proximo. Lo tin 13 concierto, cu 8 concierto gratuito y mas di 20 artista, local y internacional, invita.

 

- Advertisement -

DUNA COMENTARIO

Please enter your comment!
Please enter your name here