ORANJESTAD (AAN): Tin bastante trabao ora ta elabora un bebida na Starbucks y e baristanan di Starbucks sa esaki. Sea ta un espresso, un latte, cappuccino of un Flat White- tur bebida ta worde traha cu pasion door di baristanan cu tin orguyo pa demostra nan abilidatnan y di e forma ey eleva e experencia di e cliente y calidad di e producto.
E luna aki 2,000 barista di Starbucks for di 16 pais den Latinoamerica y Caribe lo participa na e competencia ‘National Starbucks Barista Championship’, di cual e prome etapa ta tuma luga den e propio establecimento pa despues pasa pa esun regional y finalmente na nivel Nacional. Diesun campeon- representando e mihor di e mihornan- for di Starbucks LATAM (Latinoamerica) tin e oportunidad pa comparti nan pasion pa calidad y arte di barista na e di 5 edicion di e Barista Championship Experience, e aña aki na Costa Rica.
“Nos baristanan ta iniciado di conexionnan humano, cu ta eleva un experiencia unico di koffie mientras ta basha e pasion den cada copi respectivamente”, esaki di acuerdo cu vice-presidente y general manager di Starbucks Latin America & Caribbean, Ricardo Rico. “Nos tin lidernan hoben cu ta comparti nan historia cu otronan por medio di koffie- nan lo ta e diferencia; na tur tin soñonan y cu masha entusiasmo ta enbuska pa haci nan realidad”. E evento lo dura 1 siman largo y lo celebra e campeonnan mientras ta inspira y ta ekipa nan pa bira lider den nan mercado. E campeonnan lo tin e chance pa experiencia e proceso di koffie – for di planta e mata di koffie na Pablo Aco coffee farm, pa perfecciona nan habilidad di barista, demostrando nan arte den cada Latte.
Aruba y Curaçao tambe lo tin nan representacion; pa Aruba lo tey Mistika Moncion Cork di Starbucks Mall. E ta un barista for di Juli 2012 y su bebida faborito ta Chai Latte cu vanila.
Tambe lo tey, Reginald Janga di Starbucks Marketplace, e tambe ta barista for di 2012 y su bebida faborito ta Cold Brew White Mocha. Pa Aruba, Marlene Erwich di Starbucks Marriott tambe lo tey. E ta barista for di 2018 y su bebida favorito ta Flat White.
Finalmente pa Aruba, Govan Quandus di Starbucks Paseo Herencia. E ta barista for di 2016 y su bebida faborito ta Vanila/ Hazelnut 3 Ristretto shot latte. Pa Curaçao lo tin representacion di Juan Daniel Cerallo Valdez, e ta barista for di 2018 y su bebida favorito ta Vanila Flat White. Finalmente tambe for di Curaçao, Norenis Overman, e ta barista for di 2017 y su bebida faborito ta White Chocolate Mocha.
Starbucks Aruba y Curaçao ta invitabo pa bo ta parti di e final di Barista Championship na unda ganador di Aruba y Curaçao lo competi contra otro diaranson awor dia 19 di juni na Renaissance Mall pa 10’or di mainta.
