Home General Aruba Warriors ta invita pueblo pa protesta contra hotel na Seroe Colorado

Aruba Warriors ta invita pueblo pa protesta contra hotel na Seroe Colorado

95
0
SHARE
- Advertisement -

Diadomingo 23 di Juni atardi 5 or:

ORANJESTAD (AAN) – Aruba Warriors no ta un NGO, ni un organizacion, sino un grupo di hende cu ta bringa pa e bienestar di Aruba. Asina sra. Croes, miembro di e grupo a declara den un entrevista.

Sra. Croes a expresa cu nan ta contra tur construccion di hotel na Aruba pasobra ya tin hopi caba, y den e caso aki nan ta organizando un accion pa Diadomingo proximo, 23 di Juni pa 5 or di atardi, contra e construccion di hotel den Seroe Colorado, y nan ta invita tur hende cu kier participa pa topa den e casita patras di Baby Beach.

El a expresa cu nan a duna tempo na e NGO’s pa nan lanta ariba pero nan no a haci nada, y e ta mira cu ningun hende ta hacie y ta kere cu e pueblo mester mustra su malcontento.

Sra. Croes no tin informacion tocante ken a haya terenonan pa construccion di condominium y otro acomodacionnan, por ehemplo na Noord, unda nan a lanta tur sorto di condominium, pero el a haya sa of a tende cu tin labamento di placa di Venezolanonan, envolvi.

Y Aruba Warriors ta contra e construccion di hotel na Seroe Colorado pasobra e ta e ultimo lugar den naturaleza cu ta keda pa wordo bishita pa nos hendenan, y e ta kere cu e pueblo ta perde Baby Beach cu e proyecto aki. E ta mira un free for all den beachnan unda tin hopi palapa riba otro.

Sra. Croes a bisa cu tin hopi miedo cu tin miedo di protesta, pasobra ta wordo bisa cu gobierno ta persigui hende. E ta haya esaki coi kens y e mes no tin miedo di nada.

El a expresa cu mester tin curashi pa protesta, y aunke e grupo ta chikito nan tine. Segun sra. Croes pueblo a papia caba y nan no kier mas camber di hotel na Aruba. Mas hotel mas stranhero ta laga drenta na nos isla, pasobra ta cheap labor ta loke nan ta wordo ofreci.

- Advertisement -

DUNA COMENTARIO

Please enter your comment!
Please enter your name here