Home General Banco di Sanger ta traha cu ‘cutting-edge technology’ pa sigura e calidad...

Banco di Sanger ta traha cu ‘cutting-edge technology’ pa sigura e calidad di sanger

17
0
SHARE
- Advertisement -

E aña aki a integra un manager di calidad den nan staff

ORANJESTAD (AAN):  Den cuadro di Dia Internacional di Donante di Sanger, DIARIO a tene un entrevista cu Coordinador di Banco di Sanger, Fabian Werleman kende a amplia tocante e tema di duna di sanger y con por bira un donante.

El a splica cu den pasado nan a yega di topa cu e situacion caminda cu no tin suficiente sanger disponibel pa asina por cubri cu e demanda.

El a laga sa cu BloedBank ta traha cu BloedBank di Corsow y ora cu yega un momento asina cu tin un emergencia grandi of falta di un producto, semper nan por pidi Banco di Sanger Corsow pa yuda.

STANDARDNAN INTERNACIONAL

Pa loke ta e calidad di e sanger, Werleman a indica cu BloedBank ta traha cu standardnan europeo y mericano. “Nos ta hopi stricto den nos control di calidad”, a remarca.

E aña aki a haya un trahador nobo cu ta un manager di calidad, esaki pa sigura cu e producto ta bay den un nivel hopi halto pa e pashent. Esey ta algo nobo pa Banco di sanger. “Nos ta bay den ‘cutting-edge technology’.

A agrega cu claramente tin algun limitacion como isla, y un di esakinan ta e cantidad di donante, pero tin otro cosnan cu si nan por traha y Banco di Sanger ta innova y keda bay dilanti. Ta busca e mashinnan mas moderno pa por ta na e nivel halto ey, a remarca.

FELICITACION

“Finalmente mi kier felicita e donantenan cu nan dia y claramente e gesto bunita cu nan ta haci aki ta claramente un sorto di sacrificio, pa bo bin akinan duna sanger. Ta algo intimo ta den hende.

Mi kier invita e hendenan cu tambe ta sinti pa bira parti di e grupo aki pa por fabor meld cerca nos, yama hospital of banco di sanger, pa nos por haya bo informacion of pasa cerca nos pa bo tambe por drenta den e proceso pa bira un donante”, Fabian Werleman a expresa.

- Advertisement -

DUNA COMENTARIO

Please enter your comment!
Please enter your name here