Home Politica Benny Nisbet convenci cu Hotel na San Nicolas lo trece hopi turismo

Benny Nisbet convenci cu Hotel na San Nicolas lo trece hopi turismo

60
0
SHARE
- Advertisement -

ORANJESTAD (AAN): Lider di Partido PPA, Benny Nisbet, a bisa cu e ta haya cu proyecto di Hotel na San Nicolas ta tremendo, y e ta spera cu e por bira realidad.

Ademas e la keda sorprendi con por tin protesta di cierto organizacion contra construccion di un Hotel p’ariba di Brug y specialmente na San Nicolas.  Siendo cu e mesun organizacionnan aki a keda den un silencio hermetico durante construccion di un lista di hotel parti pabao di e isla.

Esaki ta crea e impresion cu sea nan ta contra e pueblo di p’ariba di Brug (San Nicolas e.o!) of cu nan ta considera  p’ariba di brug e sector principal for di unda nan kier piki nan trahado y nan no ta duna e trahado aki un suma adicional pa nan transporte cu ta come 20 porciento di nan salario  y como tal  nan no ta prefera di boycotea construccion di cualkier proyecto hotelero  parti pariba.

Entodo caso PPA a tuma nota di e  declaracion di Ministro Otmar Oduber  cu e proceso a keda cla y cu e proyecto y su inversionista  a keda cla pa por worde ejecuta esta un inversion di $240 million Dollar cu lo tin un impacto economico  p’ariba di nos Isla.

   PPA ta felicita Ministro:

Segun Nisbet, e opinion di PPA ta cu esey ta tremendo. Un pabien na Ministro Otmar Oduber, Ministro di Turismo  y un pabien na gabinete Wever-Croes.  PPA ta spera cu nada mas no sosode pa stroba e proyecto aki di worde ehecuta.

PPA mes tabata esun cu basta aña atras a bin cu e vision cu San Nicolas merece  un par di Hotel pa impacta e economia.  E tempo ey  contrincante  a ‘spot’ cu mi persona declarando cu PPA (Benny Nisbet) ‘is dreaming!’, y cu e lo no sosode nunca.

En todo caso nunca nos  a stop di ‘dream’ pa un desaroyo economico positivo pa San Nicolas y unda San Nicolas lo por tin un parti di e ‘bolo’ di e industry di turismo.

Si PPA tabata contra e idea di mas ‘All inclusive hotels’ na Aruba y preferiblemente no na San Nicolas!  Sinembargo ora a bira evidente cu ni e  upgrader lo bira realidad na San Nicolas  PPA a  dicidi cu nos lo  duna sosten na  e ultimo proyecto grandi  cu tin inversionista dispuesto pa inverti na San Nicolas.

E proyecto aki lo ta di 900 camber di cual 600 camber ta ‘All Inclusive’ y  300 camber European style.  Mester acentua cu den e ‘Agenda pa San Nicolas’  PPA  tin varios otro  idea cu lo diversifica economia di Aruba y San Nicolas.

   Beneficionan di un proyecto asina:

Segun Nisbet, e beneficionan ta e.o. cupo di trabao  den sector di construccion durante alrededor di 3 aña!  Despues  cupo di trabao den  sector di Hotel  permanente!

Desaroyo di Turismo parti pariba lo cambia e semblante economico  door di e movecion di trafico relaciona cu turismo cual lo ta di San Nicolas lo bay pabao y di pabao lo bin p’ariba.

Aruba tin como 5.000 ciudadano sin trabao mientras San Nicolas tin e porcentahe di mas grandi!  Scolnan ta produci anualmente como 800 alumno cu no ta sigui studia y lo ta enbusca di trabao cual ta nifica un 4.000 dentro di 5 aña!  Pues un total di 9.000 ciudadano lo ta en busca di trabao di awor pa 2024.

Si nos sali for di e cifranan cu AHATA mes a publica  e hotel aki lo tin mester di solamente 900 trahado esta 1x pa camber.   Un porcentahe di trahador biba na San Nicolas  cu experiencia den cierto sector Hotelero lo scoge pa traha na San Nicolas  ja cu nan lo ‘spaar’ como 20 porciento di nan salario cu awor ta worde gasta na ‘Transporte’ y ora nan haya oferta  pa usa nan ‘experiencia’ cerca di cas  cu orguyo nan lo duna e proximo parti di nan bida na un proyecto asina.

E impacto economico di un proyecto asina lo nifica  inversion den un cierto cantidad di  restaurant preferiblemente  di cuminda Arubiano y Caribense!

Tambe e impacto economico lo nifica un señal pa ‘entrepreneur’ pa ta creativo y inverti den proyecto  cu por ta duna servicio di e presencia di Turista na San Nicolas.  No lubida cu 900 kamber lo nifica presencia di como 1.800 turista  diariamente presente parti pariba di nos Isla esta San Nicolas y vecindario.

E prome hotel na San Nicolas lo bira e ‘yabi economico’ pa otro proyecto cu lo yuda ‘diversifica economia di Aruba y San Nicolas’ pero tur esaki dentro di e  espacio cu e Mercado laboral di Aruba ta duna.

 

- Advertisement -

DUNA COMENTARIO

Please enter your comment!
Please enter your name here