Home Tempo Biento fuerte ta domina den pronostico di tempo

Biento fuerte ta domina den pronostico di tempo

20
0
SHARE
- Advertisement -

Diferencia den presion di aire pa Noord y pa Zuid di Aruba

ORANJESTAD  (AAN) — Na inicio di e fin di siman cu mester termina cu e tradicion di candela di San Juan, biento duro tabata manifesta su mes na Aruba.

Un aviso special a wordo emiti dor di Servicio Meteorologico relaciona cu e condicion di tempo cu a presenta y ta afecta e grado di peliger di lama y di e tradicion di candela di San Juan.

E alerta di Servicio Meteorologico ta indica ayera cu tin diferencia grandi di presion di aire den region di Caribe. Esaki ta motibo pa rafaganan hopi fuerte cu ta ocasiona lama bruto.

Tabata spera olanan for di pariba cu un haltura di cinco pia generalmente pero localmente nan por alcansa 9 te 10 pia, creando asina un peliger.

A pidi ocupantenan di boto chikito pa practica cautela riba lama gancho.

Den e informacionnan di tempo, suministra pa Servicio Meteorologico di Aruba cu ta e autoridad riba tereno di informacion meteorologico, weekend a habri cu un ola tropical cu a pasa e region di Aruba.

Den e parti central di Caribe, biento fuerte ta manifesta su mes.

E situacion actual di biento fuerte, ta resultado di un fenomeno climatologico cu ta wordo ocasiona pa diferencia den presion di aire na diferente parti den Caribe. Si tuma e posicion di Aruba por nota cu e aire di presion halto di Bermuda, pues pa Noord di Aruba tin como compania riba e mapa di tempo, di un area di presion abou na Colombia.

Esaki ta haci cu biento den e area entre e dos regionnan di biento, pues Aruba tambe, mester tene biento fuerte na consideracion te cu Diasabra anochi.

Mester tene cuenta cu pronosticonan di tempo generalmente ta pa 24 ora. Pues pa keda informa mester sigui boletinnan di Servicio Meteorologico.

Di tur forma ta bon pa semper keda cauteloso cu candela di San Juan cu ta keda peligroso hasta sin biento.

- Advertisement -

DUNA COMENTARIO

Please enter your comment!
Please enter your name here