Home Salud Bo tabata sa… cu AZV constantemente ta cumpra cuido medico di bon...

Bo tabata sa… cu AZV constantemente ta cumpra cuido medico di bon calidad y na un bon prijs?

250
0
SHARE
- Advertisement -

ORANJESTAD (AAN): AZV ta e organizacion cu ta cumpra cuido medico pa su aseguradonan. Pa tipo di cuido cu no por tuma luga na Aruba, AZV ta cumpra e cuido adecua na Colombia, Curaçao, Hulanda of Merca.

Na Aruba mes tin solamente 2 instituto unda AZV por cumpra cuido medico y esey ta dr. Horacio Oduber Hospital (HOH) y Instituto Medico San Nicolas (ImSan).

Hunto cu dr.  Horacio Oduber Hospital, AZV ta traha un manpowerplanning pa sa cuanto specialista medico tin actual y cuanto ta bin adicional e añanan benidero. A base di e manpowerplanning aki, AZV ta pone un budget disponibel pa HOH y ImSan por contracta e specialistanan necesario.

Si mira e cifranan di AZV, e suma cu AZV ta paga na ingreso y tratamento na hospital tabata 189.3 miyon Florin den 2018 compara cu 169.8 miyon Florin den 2017. Y e suma cu AZV a paga na cuido medico specialisa tabata 18.4 miyon Florin den 2018 compara cu 18.9 miyon Florin den 2017.

Semper ta percura pa e calidad di e cuido medico keda bon y na mes momento cumpra e cuido medico na un bon prijs. Pakico? Paso AZV mester por provee y keda provee (den futuro cercano) cuido medico na tur asegurado cu ‘algun dia’ por bira malo.

Dentro di e proceso di compra di cuido aki, ta wak cu cada partido tin nan propio responsabilidad; AZV ta responsabel pa cumpra e cuido y HOH y ImSan ta esnan responsabel pa  suministra e  cuido.

- Advertisement -

DUNA COMENTARIO

Please enter your comment!
Please enter your name here