Home Impuesto ‘Boi’ ta bira bira e cara di e App nobo di Departamento...

‘Boi’ ta bira bira e cara di e App nobo di Departamento di Impuesto

67
0
SHARE
- Advertisement -

Studiantenan di Colegio San Nicolas y Abraham De Veer School a bin cu idea

ORANJESTAD (AAN):  Departamento di Impuesto a lanza un app nobo (Bo Impuesto) y cu esaki un personahe den forma di un ‘super heroe’.

Meverly Romano, Vocero di DIMP a indica cu algun luna pasa nan tabata tin di bishita un grupo di studiantenan di Colegio San Nicolas y Abraham De Veer School. A duna nan un proyecto y a pidi nan pensa con lo por promove e app aki.

Un di e gruponan a presenta un ‘super heroe’ pa asina promove e app. “E manera con nan a trece dilanti ta asina original y asina bon. Y nan mes a bisa nos cu belasting ta algo laf, etc etc. Corda bon nan ta muchanan di 15 aña. Pero haciendo algo laf bira leuk y bira algo cu ta coi atencion nan a introduci e figura di un ‘super heroe’ cu nan a yam’e ‘Captain DIMP’, Romano a laga sa.

Asina a dicidi di uza e idea di e hobennan aki y duna nan balor tambe pa nan ideanan apesar cu nan ta hopi jong.

Ariba e idea aki a sigui desaroya e figura y na caminda a pensa di uza un figura normal, pero despues a dicidi pa keda cu algo original di Departamento di Impuesto.

Boi ta un figura diseña completamente nobo. A haya colaboracion di nan colega artista Elvis Tromp.

Asina DIMP ta bay introduci Boi, cual lo aparece tambe ariba algun video cu lo wordo lanza durante di e aña, a bisa.

Pa loke ta e app, Mevely Romano a laga sa cu na Maart a cuminza haci test y a describi esaki como un experiencia nobo cerca nan. Por bisa cu DIMP ta un di e ‘trendsetters’ pa loke ta trata servicio di gobierno.

Finalmente el a encurasha e contribuyentenan pa download e app gratis cual ta disponibel caba ariba Apple Store. E plataforma Android lo keda cla pa fin di Juli.

- Advertisement -

DUNA COMENTARIO

Please enter your comment!
Please enter your name here