Cronica di un caos anuncia
ORANJESTAD (AAN): For di diabierna mainta por a ripara cu berdad, DOW a laga cera e rotonde di FCCA y pa purba alivia e trafico a habri un desviacion provisional na altura di DOW mes pa e trafico cu ta sali for di Wayaca of Primavera.
Sinembargo, pa media caba por a ripara con e trafico tabata un caos total. Y no tabata pa motibo di un incidente cu a sosode na aeropuerto, unda a presenta problema cu a aterizahe di un avion.
Henter e caos aki tabata pa motivo di e desviacion dilanti di DOW unda tres caminda tabata topa cu otro. Esnan biniendo for di aeropuerto, esnan saliendo for di Wayaca y esnan cu ta bin for di caminda contrario pasando dilanti di Archivo Nacional.
Well, y pa colmo, e desviacion pa bay Cumana, via Primavera, esey tabata un otro storia pa pone tur chofer yora.
Por e pensa e momento ey ariba e chofernan cu malesa, hendenan cu algun malesa cronico y cu mester a para core den rij largo pa por a sali ariba e caminda di Morgenster.
Ta net ariba un diabierna a cera e camina aki, sin por a warda weekend yega, ora no tin scol y cu tin menos auto ariba caya. Menos mal cu ta dialuna, un lector a expresa, cu e rotonde lo habri bek.
