Home Hudicial Chines di Paradera sospecha di tabatin negoshi di droga lo ta Diabierna...

Chines di Paradera sospecha di tabatin negoshi di droga lo ta Diabierna dilanti Hues

1352
0
SHARE
- Advertisement -

ORANJESTAD (AAN): E homber Chines Y.S. di 31 aña di edad riba Diabierna mainta ta presenta den Corte di Husticia di Aruba pa trata e caso penal cu Ministerio Publico a cuminsa contra dje. Ministerio Publico a cuminsa un caso penal contra Y.S. pa bendemento di droga y tambe a cuminsa un caso di kita propiedad relaciona cu ganashi cu a haya cu e bendemento di droga.

    BENDEMENTO DI DROGA:

Na Maart 2019, Y.S. a presenta caba den Corte caminda Fiscal a acusa Y.S. di entre Augustus 2017 y 18 November 2018, e tabata den posecion di marihuana y negoshi di droga. Fiscal a bisa Hues cu Y.S. lo tabata den negoshi di droga y cu Ministerio Publico lo bin cu demanda di 100 mil Florin relaciona cu investigacion financiero.

   DISCUSION:

Abogado mr. Frolijk a reclama cu Y.S. no a duna Polis permiso pa bay investiga den henter e cas. El a worde instrui pa Polis pa habri e lugar unda e droga ta.

Na opinion di e abogado, aki ta caminda cu Polis a viola norma. E ta haya cu no por usa e droga como prueba pasobra a haya esaki na forma ilegal. Tambe el a menciona cu segun sentencia di Corte Supremo, un sospechoso di droga por keda den libertad pendiente di e caso.

Segun e abogado, 460 gram so di marihuana a haya. Mr. Frolijk a bisa Hues cu segun maneho di Ministerio Publico, ta laga sospechoso di droga sera ora haya riba di 1000 gram di marihuana. E ta haya cu pa e 460 gram ya caba Y.S. tin 110 dia sera y esey ta suficiente.

Fiscal a remarca cu e prueba ta legal y no a viola ningun norma. Fiscal a splica cu Polis a haya permiso di Y.S. pa listra den e cas y negoshi. Fiscal a bisa Hues cu e no ta comparti punto di bista di abogado cu pa riba di 1.000 gram ta laga un sospechoso sera. Fiscal a bisa cu aki ta sospecha Y.S. di tabata bende durante 1 aña y esey ta haci e caso mas serio.

Ta asina cu Hues a rechaza peticion pa laga Y.S. liber y Diabierna mainta e caso lo tuma lugar. DIARIO lo informa lectornan kico tur a sosode den Corte di Husticia di Aruba.

- Advertisement -

DUNA COMENTARIO

Please enter your comment!
Please enter your name here