Home Enseñanza Colegio EPI ta gradici e compania y instancianan cu ta coopera cu...

Colegio EPI ta gradici e compania y instancianan cu ta coopera cu pasantia di nan studiantenan

15
0
SHARE
- Advertisement -

ORANJESTAD (AAN): Recientemente a tuma lugar e ‘Industry Appreciation Event’ di Colegio EPI.

E evento aki ta di gran importancia pa Colegio EPI, na unda BPV (stage) bureau di Colegio EPI ta duna elogio y muestra di gratitud na diferente compania y instancia cu ta copera cu pasantia di e studiantenan di Colegio EPI.

E intencion tras di e evento anual aki ta pa brinda e companianan un rato placentero como muestra di gratitud pa e gran cooperacion cu e studiantenan y docentenan di Colegio EPI ta ricibi durante henter e aña escolar.

Tambe ta probecha di e evento aki pa asina intercambia ideanan nobo y ricibi feedback di e companianan pa asina mantene of te hasta hisa e calidad di pasantia di Colegio EPI.

Mester remarca cu e variacion di companianan cu tabata presente tabata uno hopi amplio unda cu a pasa un rato ameno y alavez a intercambia hopi informacion valioso.  Mayoria di e companianan cu tabata presente ta trahando cu por lo menos un of dos unidad di Colegio EPI.

Durante e evento e siguiente companianan tabata presente: Bureau Traimerdia, AHATA, Funari, Hyatt Regency Aruba, Cas Marie, Orthopedagogisch Centrum, SVGA, NV Elmar, Belle Bambino Kinderdagverblijf, Flexo Manpower Services, Biblioteca Nacional, C2 Civil & Construction, Santa Rosa, DLVV, Casa del Mar Beach Resort Aruba, Botica Santa Anna, Maduro Travel, ABC Peuterschool, Scol Preparatorio  Nos Paraiso, Centro di mucha Ebenezer, Ricardo Wever CPA NV. FAVI, ImSan, Web Aruba NV., De Palm Corporation, De Palm Island.

Tambe tabatin Wit Gele Kruis Aruba, Fundacion Biba Bao Guia/SPD, Botica Santa Anna, Smart System, Rhodana Security, Dr. H.O. Hospital, Caribbean Fasteners, Mi Casita Traimerdia, Pasadia Infantil Te Aworo, Pasa dushi Pasa pret Peuterschool, Naschoolse Opvang Coolkids, Guardian Group, DTI, Villa Gumbs Naschoolse Opvang,  Wilson Administrative Services, Balashi Aruba, AMC Unicon, Setar NV, La Cabana Beach Resort & Casino, Aruba Insurance Broker, y Kooyman.

Importante pa menciona ta cu comunicacion y compromiso ta keda esencial den e relacion y colaboracion entre Colegio EPI y e companianan.

BPV (stage) bureau di Colegio EPI ta gradici tur compania cu tabata presente durante e evento aki y tambe tur compania cu semper ta copera cu Colegio EPI y su  studiantenan.

- Advertisement -

DUNA COMENTARIO

Please enter your comment!
Please enter your name here