Home Comercio Comercio tambe kier pa e cobranza di BBO keda aparece riba recibo

Comercio tambe kier pa e cobranza di BBO keda aparece riba recibo

22
0
SHARE
- Advertisement -

Segun KvK:

ORANJESTAD (AAN): Gremionan comercial ta mustra nan apoyo pa e propuesta di ley di Parlamentario cu ta rekeri pa e impuestonan BBO/BAZV y BAVP keda aparece riba e recibonan.

E siman aki un miembro di Parlamento a tuma e iniciativa y a entrega e propuesta di ley importante aki. E gremionan comercial ta haya importante cu tin transparencia den e prijsnan y ta admira e iniciativa di e parlamentario aki pa tuma e paso aki. Di e forma aki tambe ta mustra comprension no solamente cu sector priva pero cu pueblo tambe.

E comerciante semper a bisa claramente cu ta importante pa e impuesto worde menciona riba e recibo y pa tin transparencia pa tur hende por wak cuanto ta cobra pa omzet di servicio y cuanto pa  producto. Kitando e impuestonan aki for di e recibo ta trece desconfianza y ta haci cu Aruba lo mustra di ta bira mas caro.

Tampoco por sa definitivamente cuanto a hisa e prijs pa cubri gasto di BBO/BAZV y BAVP. E impacto ta afecta turismo y imagen di Aruba y lo crea e impresion cu costo di bida na Aruba ta mas halto. Tanto local como turista ta indica esaki caba.

Pa tal motivo gremionan representando comerciante ta apoya e esfuerzo pa draai back e decision tuma den Parlamento na december pa kita e BBO for di recibo y pone den prijs. E gremionan cu ta para tras e iniciativa di propuesta di ley di e miembro di Parlamento ta: AGA, AHATA, AJA, ATSA, y KvK.

- Advertisement -

DUNA COMENTARIO

Please enter your comment!
Please enter your name here