Home General Cruz Cora su evento di recaudacion di fondo anual ‘Buelo RCA2019’ a...

Cruz Cora su evento di recaudacion di fondo anual ‘Buelo RCA2019’ a resulta un exito

70
0
SHARE
- Advertisement -

E tabata extra ‘sold-out’

ORANJESTAD (AAN):  Indra Anthony-Pereira, hefe di Marketing Operations na Cruz Cora Aruba a duna di conoce cu den weekend nan a tene un evento unda a contra cu e participacion di un promedio di 300 persona cu a contribui cu Cruz Cora cumprando ticket pa nan evento anual di recauda fondo.

Su Excelencia Gobernador Alfonso Boekhoudt a habri e anochi cu un bunita speech unda el a conta un tiki di varios proyecto di Cruz Cora Aruba y a gradici e voluntarionan pa e bunita trabou y tur e dedicacion.

Presidente di Cruz Cora Aruba, Sr. Stephen Daal despues a gradici tur sponsor y colaborador cu a haci e anochi posibel. Y asina e buelo a lanta cu e tremendo animacion di Papito Rafael y Biba Lekker Band.

Esaki ta e di 8 aña y Aruba Surfside Marina ta e lugar unda tur aña ta tene e evento aki. Tur loke ta wak na e actividad ta un contribucion di diferente compania pa haci e fiesta un realidad y pa asina por recauda fondo pa sigui yuda comunidad, Anthony-Pereira a indica.

Esnan di Cruz Cora ta hopi satisfecho y nan a bende un par di ticket extra y a reprint ticket diaranzon atardi pasobra nan tabata ‘sold-out’ caba. “Nos ta mas cu gradici pasobra tur e ticketnan a bay. Pero e bunita ta cu nan no a cumpra e ticketnan djis pa contribui, nan a bin. Y esey pa nos ta hopi importante pasobra por wak cu e lugar ta full yen”, a expresa.

Cruz Cora tur aña tin un tema y nan fiesta ta hopi informal. E ta tempran diabierna 7or despues di trabao unda tur hende por socializa cu otro. Tabata tin hende bisti na Hawaii, hendenan bisti manera stewardess, piloto, etc.

Tabata un bunita oportunidad pa pasa un rato agradabel y duna un man na Cruz Cora.

- Advertisement -

DUNA COMENTARIO

Please enter your comment!
Please enter your name here