Home Impuesto Den e prome lunanan di 2020 lo cuminza e proceso pa aangiftenan...

Den e prome lunanan di 2020 lo cuminza e proceso pa aangiftenan wordo yena online

128
0
SHARE
- Advertisement -

Luenne Gomez-Pietersz:

ORANJESTAD (AAN):  Parce cu para den rij na Departamento di Impuesto lo bira cos di pasado pronto. Awor nan a caba di introduci nan App “Bo Impuesto” y pa fin di aña e formularionan lo cuminza wordo poni disponibel tambe online.

Directora di DIMP, Luenne Gomez-Pietersz a expresa cu e ta compronde e criticanan pasobra si e como comerciante tin cu bay para den rij djis pa busca un stempel, un comprobante di pago siendo cu el a pagu’e online, no ta cosnan mas den e dianan cu ta bibando aden.

Ta bibando cu tecnologianan avanza y tin cu facilita e cliente pa asina crea balor agrega pa e usuario, a enfatiza.

E tempo cu e clientenan tin cu paga den rij, warda afspraak, bolbe puntra, yama, no tin contesta, etc, ta cosnan cu tin cu bay elimina y lagu’e pa pasado. Cuminza traha ariba un nivel hopi mas halto den servicio pa e clientenan, Gomez-Pietersz a splica.

El a sigui bisa cu e contribuyentenan merece esey.

Pa loke ta e asunto di stempel a laga sa cu e eliminacion di esaki lo sosode fin di aña. DIMP ta trahando ariba e proyecto aki. Tur siman e ta sinta cu e team. Pa November tin planea pa bay over na implementa e aangiftenan cu ta wordo entrega tur luna.

A indica cu ta bay saca aangiftenan ariba papel pasobra semper mester tin un back-up’. Pa e prome seis lunanan di 2020 tur hende lo haya nan formularionan di Loonbelasting y BBO, pero ta bay cuminza durante e lunanan cu ta bin cu e campaña.

Ta pidi e contribuyentenan pa keda pendiente ya sea via e App of via Facebook Page pasobra DIMP ta bay cuminza anuncia cu por registra caba pa e servicio online, a duna di conoce.

Mas lihe bo registra, cu tin un ‘username’, na momento cu ta lanza e servicio, por drenta den e sistema y mira e informacion cu tin cu yena y paga, e directora di DIMP a manifesta.

- Advertisement -

DUNA COMENTARIO

Please enter your comment!
Please enter your name here