Home Impuesto Departamento di Impuesto purbando di keda cla cu proceso di pago online...

Departamento di Impuesto purbando di keda cla cu proceso di pago online cu tur banco

18
0
SHARE
- Advertisement -

Directora di DIMP:

ORANJESTAD (AAN):  Directora di Departamento di Impuesto, Luenne Gomez-Pietersz a laga sa cu pa loke ta e networking cu banconan,  ainda ta keda un preocupacion.

Tin un otro trayecto via Banco Central pa un sistema nobo. Aworaki cada banco tin nan sistema.

DIMP ta ariba e plataforma online cu tres banco cu ta Aruba Bank, CIBC Bank y Banco di Caribe. Ta den comunicacion cu e otro banconan, esta CMB Bank y RBC Bank pa asina por yega ariba e nivel di e otro tres banconan y facilita e pago, a indica.

E dos banconan cu no ta ariba e plataforma online di DIMP ainda ta haya ‘paper statements’ y ora cu e raport yega nan ta hinke den nan sistema, a bisa.

Esey ta un proceso cu ta manual ainda y esey ta pone cu e pago no ta wordo hinca di biaha den e sistema. A laga sa cu nan no ta conecta ainda cu e sistema di pago di e 2 banconan menciona, Luenne Gomez-Pietersz a señala.

“Nan tin algun desafio cu nan sistema automatiza. Tin banco caminda cu naturalmente nan mester haya approval den nan regio (…) Nan tin nan caminda pa cana pa nan haya approval. Nos ta bisa si cu nan ta willing. No ta un cos cu nan no ta willing pero cerca nan e ta dura un tiki mas tempo.

Y mi ta spera cu mi ta bay tin algun reunion cu e ehecutivonan di e dos banconan aki pa nos por purba sigui e proceso y asina facilita nan clientenan tambe ora ta trata pago di impuesto”, a remarca.

 

 

- Advertisement -

DUNA COMENTARIO

Please enter your comment!
Please enter your name here