Home Gobierno Departamento di Impuesto ta lanza nan App cu yama “Bo Impuesto”

Departamento di Impuesto ta lanza nan App cu yama “Bo Impuesto”

312
0
SHARE
- Advertisement -

ORANJESTAD (AAN): Departamento di Impuesto a anuncia diahuebs mainta cu nan a yega na un nivel mas halto pa loke ta innovacion y modernizacion di nan organizacion.

Directora di DIMP, Luenne Gomez-Pietersz a duna di conoce cu nan ta consisti di 263 trahador. Nan meta y mision ta pa garantiza cobranza di impuesto y facilita e contribuyentenan pa cumpli cu nan debernan fiscal.

Entre e criticanan cu nan ta haya di e clientenan ta cu DIMP mester ta mas innovativo y moderno pa crea un ambiente caminda e drempel di e comunicacion cu e contribuyente ta bira un tiki mas abao y por comunica na un manera mihor, a bisa.

DIMP a anuncia cu nan ta bay lanza un App (Aplicacion) cu a wordo desaroya specificamente pa Departamento di Impuesto. E App yama “Bo Impuesto” y ta disponibel caba ariba Apple Store y fin di luna lo tin’e disponibel pa Android.

Segun Gomez-Pietersz, nan no por haci e pago di impuesto uno mas agradabel, pero si por facilita e clientenan dunando informacion cu ta na nan disposicion y tambe facilita e trayecto di pago di impuesto pa asina ey por cumpli cu e debernan di un manera un tiki mas facil y lihe.

El a sigui bisa cu nan a laga e compania High Five Solutions desaroya e App, su abreviacion ta BoI pa asina e bira reconoci mas facil pa un y tur.

Si tin cu papia di BoI den futuro, e ora tur hende sa cu esaki ta e APP di “Bo Impuesto” y a laga tambe diseña y introduci un figura (Super Heroe) cu lo bay fungi como ayudante den proceso di duna un tiki mas servicio na e clientenan.

A uza un lenguahe cu ta un tiki mas comun. A utiliza “Full Suave” como un tag-line pa e App. “Loke nos kier bisa cu esaki ta cu nos ta facilita nos clientenan di tal manera cu nan por paga nan impuesto y haya informacion y tur cos ta cana suave, manera cu nos hobennan ta bisa tambe”, e directora di DIMP a indica.

Den e App lo por haya informacion general, di entre otro BBO, AZV, Loonbeslasting, Inkomstenbelasting, etc. ricibi noticia, crea bo mesun profile, controla si bo plachi number ta paga.

Luenne Gomez – Pietersz kier encurasha e contribuyentenan pa download e App den nan telefon. A agrega cu ta bay tin mas funcionnan na caminda, ademas di esunnan menciona.

FORMULARIONAN LO TA ONLINE

Esaki ta e base cu DIMP lo sigui traha cune. Pa final di aña lo tin e formularionan di impuesto (Loonbelasting, BBO) tambe online. Esakinan lo wordo añadi cu tecnicanan cu ta existi ariba e App como tambe ariba e website di Departamento di Impuesto, a señala.

- Advertisement -

DUNA COMENTARIO

Please enter your comment!
Please enter your name here