Home Deporte Diadomingo awor lo tine final di Setar softball liga clasico 60+

Diadomingo awor lo tine final di Setar softball liga clasico 60+

42
0
SHARE
- Advertisement -

ORANJESTAD (AAN)- Den e liga di softball 60+ a cuminsa e playoffs di e campeonato pa 2019. Di e 8 team cu a participa ta 4 cu a clasifica pa e playoffs. Den e promer wega diadomingo dia 9 juni, 2019 , Ildo’s Boomerang den un wega amistoso a gana Surprise cu score di 10-3.

Kenneth Alias cu a sali pitcher ganador tambe ta e hungador cu Liga Clasico 60+ a dedica e Campeonato. Chinto Curiel a bati 3-3 mientras Gerald Keteldijk y Franklin Maduro 3-2. Pa Surprise mihor bateador tabata Jose Almonte 2-2 y pitcher perdedor Vito Vrolijk.

Den e segundo wega amistoso, Janni’s Heavy Equipment a gana Benjamin Tigers 13-10. Juan Robles de Medina a pitcha pa Janni’s y D. Jansen a bati 3-2. Pitcher perdedor tabata Theo Wester. Joy Thiel 4-3 y Rudy Pers 3-2. Janni’s a bati 15 hit y Tigers 10.

Den e tercer y di cuater wega e teamnan tabata bataya pa un lugar den e final. R.C Vettes-Stern a knockout Aruba Jrs cu score di 10-3. Pitcher ganador tabata Alex Falconi mientras Johnny Wout 3-3 y Jaime Falconi 3-2. {Pa Aruba Jrs Jose Peguero a bati 3-3 y pitcher perdedor Juan Tromp.

Den e ultimo wega di dia Astros-Arends Inspection a knockout Bambino Florsheim 15-2 pa clasifica den e final. Tony Warner 3-2 y Desiderio Thode 3-2. Pa Bambino Winso Janga 1-1 y pitcher perdedor Wilbert Maduro.

Dia 23 juni, 2019 lo ta e ultimo dia di campeonato unda pa 9:30 am Ildo’s y Benjamin lo topa y despues pa 11:15 am Janni’s y Surprise lo hunga den un wega amistoso.

Pa 1:00 pm Bambino Florsheim y Aruba Jrs ta bay hunga pa tercer lugar y pa 2:45 pm den e wega final ta Astros vs RC Vettes- Stern.

Ambos team aki a topa dos biaha caba y nan a empata na un wega gana. Weganan lo ta na Sabana Grandi Ball Park. Exito na tur e teamnan participante.

- Advertisement -

DUNA COMENTARIO

Please enter your comment!
Please enter your name here