Home General Diez ganadornan di Pitch Time a wordo anuncia

Diez ganadornan di Pitch Time a wordo anuncia

53
0
SHARE
- Advertisement -

ORANJESTAD (AAN): Proyecto Pitch Time bou di maneho di CEDE Aruba a drenta den un otro fase y a anuncia e 10 ganadornan.

Pitch Time, cu ta un proyecto di CEDE Aruba ta drenta den un otro fase unda ta cla pa cuminsa ehecuta locual cu nan a pitch como un idea, un solucion, un proyecto pa un fundacion.

Durante simannan hobennan hunto cu fundacionan a ricibi cursonan pa asina nan por traha e mihor pitch pa un sponser (10) confia den nan proyecto y asina adopta esaki pa un suma cu por yuda nan den e meta pa drecha of inicia un programa special pa e fundacion.

Pitch Time ta un proyecto innovativo, unda a haci hopi uso di TV y social media y diaranzon ultimo a anuncia e 10 fundacionan, cu a gana cada un 15 mil Florin pa ehecuta nan proyecto.

Telearuba tabata e host di henter e Pitch moment aki. Durante 2 siman a presenta diferente videonan, unda por a ricibi informacion di e preparacion y ehecucion di e proyecto den su totalidad. Informaciona manera kico y ken ta CEDE Aruba, su tarea, con a escohe e 15 proyectonan cu a bay final, ken e youth coach nan ta, con a recruta hobennan pa cada Proyecto cu a suma na 140 total, con cursonan a bay y kico e sponsernan tabata pensa di e proyecto y nos hobennan.

Programanan por ser mira riba e facebook page di Pitch Time Aruba.

Srta Nurianne Arias a presenta e programa y sr Ruell Wester tabata e mediador pa e programa Pitch Moment. CEDE Aruba ta hopi agradecido na tur hende cu di un forma of otro a aporta den e proyecto aki. Danki na Erwin Noguera, Tristan Every, Angelique Zievinger, Stephany Croes, Alberto Groeneveldt  cu duna nan conocemento na e hobennan durante e cursonan.

Un danki special ta bay na Aruba Airport Authority cu a duna cada un di e 5 fundacionan cu no a cay den premio un suma di awg 3000.- y tambe na De Palm Corporation cu a duna e teamnan un one-day-pass riba De Palm Island.  Mary Joan Foundation, YMCA, Tiener moeder Huis Casa Cuna,FAVI, Centro Famia Piedra Plat.

Awo momento pa ehecuta e proyecto mes a yega. Fundacionan tin cu dia 25 di Augustus pa caba cu e proyecto y dia 6 di September durante un Pitch Time showcase event lo mustra con e proyectonan a bay. Lo anuncia tambe premionan pa e mihor Youth Coach, mihor team, mihor proyecto(NGO), y e mihor PITCH.

Dialuna 3 di Juni 2019, pa 9 or di anochi na Telearuba, por mira con huradonan a escohe e 10 proyectonan.

- Advertisement -

DUNA COMENTARIO

Please enter your comment!
Please enter your name here