Docentenan di SPO a entrega manifiesto na Premier Wever – Croes

    196
    0
    SHARE
    - Advertisement -

    Nan kier pa minister Lampe  re-evalua decision pa pone e dos localidadnan di SPO bao di un solo dak

    ORANJESTAD (AAN):  Dialuna mainta a habri cu un manifestacion dilanti di Bestuurkantoor di parti di maestronan di SPO (Scol Practico pa Ofishi), SIMAR y representantenan di Sindicato SEPPA.

    Prome Minister Evelyn Wever-Croes a sali for di Bestuurkantoor pa asina atende cu e grupo. Sr. Fingal den nomber di e manifestantenan a lesa e manifesto y a expresa cu e manifiesto ta carga e nomber “Enseñanza bao di atake”.

    Brevemente el a repasa algun punto di e manifiesto. Scol Practico pa Ofishi a parti for di e punto di bista cu Minister Lampe a tene un conferencia di prensa unda un periodista a hacie un pregunta tocante e fusion di e dos localidadnan di SPO.

    Minister Lampe a contesta cu e tin un scol di SPO unda cada alumno tin e mesun ritmo pa enseñanza y nan mester ta mas tempo pa nan estudio, cu ta slow-learners y esey ta nan identidad.

    A agrega cu Lampe a argumenta cu despues di e prome resultado di e proyecto piloto SAM, dos scol cu hopi alumno no lo sigui pa SPO, pues lo premira cu e cantidad di alumno di SPO lo baha y asina e espacio di scol na Brazil lo ta suficiente.

    Consecuentemente e docentenan di SPO a haci un demostracion dia 31 di Januari pa impedi cu e directiva bay un workshop tocante e fusion di e dos localidad. E dia ey Lampe a duna su palabracion cu e fusion di ambos localidad di SPO no lo sigui. “E tabata un gentleman agreement”, a remarca.

    Despues di esey a keda un periodo basta largo, a bay den workshop. Dia 8 di Maart tabata tin dialogo cu entre otro Departamento di Enseñanza y mester a presenta un concepto di con nan ta wak SPO. Minister Lampe ta e unico cu no a presenta su concepto, a indica.

    Asina meneer Fingal a sigui splica Prome Minister Wever -Croes kico tur a sosode den e lunanan cu a pasa y e dialogonan cu a tuma lugar.

    Finalmente, e maestronan di SPO ta boga pa e minister re- evalua su decision abrupto pa pone e dos localidadnan di SPO bao di un solo dak. E docentenan ta desea pa cada SPO keda na su localidad pa asina sigura un bon calidad di enseñanza pa e alumnonan.

    E docentenan ta boga pa e minister duna e alumnonan e respet pa nan por sigui cu nan estudio den trankilidad, ariba e nivel adecua pa nan condicion, e vocero di e manifestantenan di SPO a duna di conoce.

    - Advertisement -

    DUNA COMENTARIO

    Please enter your comment!
    Please enter your name here