Home Parlamento Fraccion di MEP ta spera cu lo tin noticia alentador pa e...

Fraccion di MEP ta spera cu lo tin noticia alentador pa e mundo di deporte

30
0
SHARE
- Advertisement -

Diaranzon 19 awo tin sentencia caso Lotto

ORANJESTAD (AAN) – Parlamentario Endy Croes, den conferencia di prensa di fraccion di MEP, a menciona cu Diaranzon awo dia 19 di Juni, den e bode procedure tin sentencia den e caso di Lotto pa Deporte.

E parlamentario a señala cu na Januari 2018, na momento cu Minister Dangui Oduber a haci cambio den e constelacion di e Directiva di Lotto, despues cu un luna despues di eleccion na October 2017 e directiva di Lotto a bay notario y a haci cambio den statuto, di manera cu a prohibi practicamente, cu e minister por a cambia e directiva y pone su hendenan di confianza den dje.

E parlamentario a bisa cu normalmente cu e statutonan di bon gobernacion, e codenan ta splica cu ora bo ta den un directiva di cualkier escenario of formacion di cualkier indole, e practica di dos termino di cuater aña, ta normal.

Kiermen un miembro di directiva por sinta 4 aña y wordo re-elegi pa 4 aña mas. No obstante, pa bienestar y salud di cualkier organizacion ta bon pa despues di ocho aña, tur e miembronan di directiva wordo cambia na unda ta pa tin un aire fresco y pensamento nobo pa cuida na un manera saludable, un of otro compania estatal di e manera aki.

E cuestion di Lotto ta cu e grupo di Lotto cu a wordo nombra na 2010, pa Mike Eman y Mike de Meza, a keda ocho aña y nan a cambia e statutonan y awor nan ta bay cumpli diez aña, pues caso dos aña mas ta bay, y fraccion di MEP ta spera cu Diaranzon aki, Huez lo duna un veredicto na fabor di e minister, pa e mandatario tambe por haya espacio pa hiba e vision di gobierno den deporte.

Parlamentario Croes a bisa cu su fraccion sa kico ta e situacion y cu hopi corupcion a tuma lugar den Lotto, unda cu investigacionnan ta bay bin.

E ta spera cu e prome paso despues di  Diaranzon unda cu e minister haya razon cambia e popchinan di AVP, cu ta sinta den e directiva ainda, y asina Aruba por conoce un alivio, un aliento fresco y un rumbo nobo den deporte pa para e castigo cu ta tumando lugar cu e atletanan, locual ta bisto riba tur skina rond di Aruba, unda cu nan tin cu presenta bende rifa, laba auto, etc., pa haya fondo pa por representa nan bandera, mientras cu un grupo a dicidi di regala Canada 23% di e benta den un contrato cu ta bay door te 2027.

Ora e momento a yega esnan di Canada tin cu sinta na mesa y lo renegocia e contrato aki y si no ta asina, lo duna otro grupo e oportunidad pa opera esaki, pasobra finalmente e ta “lotto pa deporte”.

Kiermen ora cu paga premio, ganashi, comision, rebendedornan, locual ta keda mester por bay bek den deporte tanto den facilidad como den atleta.

Esaki ta bira gobierno su meta final y fraccion di MEP ta spera cu despues di Diaranzon por tin noticia alentador pa Aruba su mundo di deporte.

- Advertisement -

DUNA COMENTARIO

Please enter your comment!
Please enter your name here