Home General FTA ta cuestiona maneho nobo di DPL pa loke ta proyectonan di...

FTA ta cuestiona maneho nobo di DPL pa loke ta proyectonan di menos di 6 luna

64
0
SHARE
- Advertisement -

Hose Figaroa: “E ta pone un influencia negativo ariba e mercado laboral”

ORANJESTAD (AAN): Hose Figaroa, Vice Presidente di FTA a elabora ariba e tema di dunamento di permiso di trabao na companianan pa trece hende di afor pa traha na Aruba algun luna.

El a bisa cu nan a tuma nota di e declaracionnan di director di Departamento di Labor (DPL), cual a keda sorprendi pa e hecho cu na momento cu tin proyectonan di 3 of hasta 6 luna, un empresa por pidi permiso pa trahadornan bin Aruba pa e proyecto ey y no mester pasa via DPL.

Figaroa a expresa cu e ta sorprendi pasobra asina ta pone un influencia negativo ariba e mercado laboral local. A agrega cu si wak e tipo di trabaonan, manera esunnan cu ta wordo duna pa haci trabaonan di verf, carpinteria, etc, cual ta trabaonan cu no por imagina cu no tin hende na Aruba, den e mercado laboral,  pa hacie.

Si mester di un cantidad grandi por ta esey no tin pero no kiermen cu si mester di un 30 verfdo cu no por saca un 10 of 15 for di e mercado local, a indica.

Pa bay exonera tipo di proyectonan asina for di e toetsing di e mercado laboral tog no ta na su lugar, a remarca.

FTA lo pidi un reunion cu Minister di Labor como tambe Minister di Husticia pa aclarea e asunto aki, cual FTA no ta haya ta bon.

El a agrega cu si mira e legislacion laboral di Aruba unda cu un di e exoneracionnan cu tin pa por tuma un hende pa un tempo defini ta na momento cu tin proyecto. Hasta ley ta laga espacio y ta permiti permiso pa tempo defini den caso cu tin proyectonan y pa e mercado laboral por haya e tipo di trabaonan aki, a bisa.

Hose Figaroa a agrega cu ta posibel, cu den casonan di proyectonan hopi grandi, unda mester cantidad grandi di trahador y cu no ta haya den e mercado laboral local. Pero door di exonera completamente, bo ta bay sa si tin parcialmente hendenan pa hacie akinan.

A agrega cu si mester di 30 hende y na Aruba ta haya 10 so, e ora si ta duna exoneracion. Kisas no un toetsing completo, pero por lo menos un toetsing unda ta bay wak kico tin aworaki.

El a sigui bisa cu for di e declaracion di e director di DPL por a comprende cu a wordo bisa pa e hendenan cu mester di trabao pa nan registra nan mes na DPL. Pero door di menciona e tipo di  proyectonan aki ta exonera y no lo ni yega na wak si e hendenan aki ta apto pa haci e trabao si of no, pasobra e proyectonan aki ni ta pasa DPL.

Figaroa a indica cu no ta haci ningun diferencia si bo ta registra of no pa e tipo di proyectonan aki, locual ariba su mes ta lamentabel. FTA ta kere cu mester tin un ahuste den e maneho aki unda cu mester crea espacio pa check e mercado local.

- Advertisement -

DUNA COMENTARIO

Please enter your comment!
Please enter your name here