ORANJESTAD (AAN): Diasabra awor 22 di Juni, fundacion CVA Aruba lo tene su acostumbrado chekeo pa comunidad centro di bario Brazil.
Orario lo ta di 8 or te cu 12 or di merdia. Lo tin oportunidad pa controla presion, sucu, circunferencia, bista, porcentahe di vet y awa den curpa.
Lo bay tin algun cos saludabel pa purba y tambe pa cumpra si ta desea esaki. Nos ta pidi un contribucion chikito pa haci e testnan y tambe pa yuda fundacion CVA Aruba cu cierto gastonan. Ban sigui sostene fundacion CVA Aruba cu e tremendo trabao cu nan ta bin ta eherciendo pa mas di 14 aña caba.
Esnan cu lo ta presente ta : Botica di Servicio, Manrique Capriles (Muscadine juice), Medicosmetics (curaloe), Kidneys297, One Touch Response y Aruba Vision Center pa haci chekeo di bista.
E biaha aki lo bay tin workshop cortico tocante aromatherapie. Ban hunto preveni malesanan cardiovascular especialmente atake cerebral.
