Home Gobierno Gobierno haciendo maximo esfuerzo pa radar pa KPA ta operacional den corto...

Gobierno haciendo maximo esfuerzo pa radar pa KPA ta operacional den corto plazo

84
0
SHARE
- Advertisement -

Minister di Husticia mr. Andin Bikker:

ORANJESTAD (AAN) – Minister di Husticia mr. Andin Bikker, den conferencia di prensa Diahuebs mainta, a elabora riba dos punto di agenda: na prome lugar e esfuerzonan pa e radar pa Cuerpo Policial (KPA), ta operacional den corto plazo, y na di dos lugar e E-Government unda gobierno pa pone tur  publicacion di ley y decretonan, completamente digital.

RADAR PA KPA:

Minister mr. Andin Bikker, den e contexto di su esfuerzonan pa e radar pa KPA bira operacional na corto plazo, a menciona cu semper gobierno ta busca, pa e base comun cu ta optimaliza e vigilancia di Aruba su frontera, cooperacion cu diferente departamento cu ta hunga un rol, pero tambe instrumentonan cu tin valor den esaki, entre otro, introduccion di helicopter, miho botonan pa patruya riba e costanan.

E dignatario a indica cu tur hende ta di acuerdo cu mester busca cooperacion unda cu por pa vigila e frontera.

Minister Bikker a tuma nota di expresionnan di Sindicato di Polis (SPA ) y e tin comprension pa esaki, y pa e preocupacion cu nan tin, pero gobierno mester wak con pa optimaliza e vigilancia di nos fronteranan. E preocupacionnan di SPA ta bay wordo adresa, pasobra nan ta valido, segun e mandatario.

E minister ta duna SPA razon riba diferente punto, pero e ta acentua cu na final di dia mester busca e base comun y esaki ta optimaliza e vigilancia riba nos fronteranan.

Na momento cu e radar ta operacional, lo tin mas aspecto optimal y pesey gobierno ta haciendo su maximo esfuerzo pa esaki ta cla mas pronto posible.

E dignatario a referi na e preocupacionnan di SPA, den e indole cu KPA ta e “central orden dienst” cu diferente tarea, y den cuadro di cooperacion semper esaki mester wordo tuma, debidamente, den consideracion.

El a splica cu si na final di dia kier bin cooperacion, esaki mester sali y draai rond di e rol central cu Cuerpo Policial ta tuma den e leynan di Aruba, y su responsabilidad amplio, unda ademas, tin e leynan bijzonder verordening, cu ta centra rond di Cuerpo Policial.

A base di e pensamento aki e minister cu SPA ta bay sinta na mesa y den cuadro di e protocolnan, teniendo debido cuenta cu e preocupacionnan di KPA, ta bay mira con nan por yega na optimaliza e vigilancia di Aruba su fronteranan cu ta e base comun, e mandatario a reitera.

El a menciona cu Aruba tin retonan sin precedente relaciona cu e situacion hopi preocupante den e pais bisiña Venezuela, y mester wak con, cu e recursonan limita cu gobierno tin, por zorg pa optimaliza e fronteranan pa evita loke a sosode recientemente, cu diripiente un boto ta bin y e ocupantenan ta haya cu beachnan desola.

Minister Bikker a señala cu evita entrada di hendenan sin bon intencion, cu ta drenta di manera ilegal na Aruba, por wordo logra sintando na mesa di dialogo pa wak kico ta e preocupacionnan cu tin y con por soluciona esakinan riba e base comun di optimaliza nos fronteranan, unda Cuerpo Policial ta y lo keda e orden dienst central.

- Advertisement -

DUNA COMENTARIO

Please enter your comment!
Please enter your name here