Home Gobierno Gobierno lo bin cu regulacion riba huurmento di UTV’s pa salvaguardia medio...

Gobierno lo bin cu regulacion riba huurmento di UTV’s pa salvaguardia medio ambiente

15
0
SHARE
- Advertisement -

Minister Chris Romero

ORANJESTAD (AAN):  Den conferencia di prensa di gobierno di dialuna, Minister Chris Romero, titular di Transporte, Comunicacion y Sector Primario, a elabora tocante e vehiculonan  UTV cu ta den noticia, e ultimo dianan.

E mandatario a menciona cu e ta den combersacionnan cu e Ministernan di Turismo y di Husticia pa wak con ta bay toca e tema aki, mirando cu tin hopi keho cu e usuarionan ta drenta den canto di lama, kiermen nan ta core riba beach, causando daño na nos medio ambiente.

Romero a indica cu mester bin cu ponencianan y tambe cu cierto tipo di strafe pa impone riba e companianan cu ta huur auto, ora e actonan aki ta wordo cometi.

E dignatario a señala cu nan ta bezig averiguando con esaki ta sosode y door di kendenan pa wak den ki direccion nan ta bay.

E mandatario a indica cu basa riba e sugerencianan cu el  haya di AHATA, y cu gobierno ta bay implementa, ta cu ora nan ta huur UTV autonan aki mester tin dilanti y patras un guia cu ta zorg pa respeta e leynan cu gobierno ta bay bin cune.

E mandatario a agrega cu un di e ideanan cu sigur ta bon, ta cu cada compania cu tin tour riba nan UTVnan, mester tin GPS.

E motibo ta cu e ora ey nan por programa e aparatonan aki ki ruta nan por core y ki ruta no, y si nan sali for di e zona y core unda nan no mag, e ta slow down y ta manda un mensahe avisando e compania cu e UTV a core riba un caminda cu no ta corecto y asina e compania ta tuma accion y asina ta proteha nos medio ambiente.

E mandatario a subraya cu pa gobierno nos medio ambiente ta hopi importante y e ta responsable pe, pero adicionalmente e ta bin  cu manehonan adecua pa purba di evita cierto desaroyonan manera a menciona.

Finalmente Minister Romero a indica cu tin cierto companianan cu ta huur e autonan aki, pero cada un di nan mester asegura cu ora algo pasa nan por cubri e gastonan pa Pais Aruba.

 

- Advertisement -

DUNA COMENTARIO

Please enter your comment!
Please enter your name here