Home Gobierno Gobierno recorda Anne Frank su fecha natalicio

Gobierno recorda Anne Frank su fecha natalicio

34
0
SHARE
- Advertisement -

ORANJESTAD  (AAN) – Hunto cu Secretario di Conseho di Minister sra. mr. Grace Koolman, Minister di Finansa, Asuntonan Economico y Cultura sra. mr. Xiomara Ruiz-Maduro den nomber di Gobierno di Aruba a recorda diaranzon Anne Frank su fecha natalicio.

Anne Frank tabata un hoben Hudiu cu mester a sconde hunto cu su famia pa e Nazinan cu tabata persigui nan durante e Segunda Guera Mundial. Den su diario e tabata nota y relata kico e y su famia tabata pasa aden. El’a haci esaki di su 12 pa 14 aña ya cu su 15 aña Anne Frank a fayece den e campo di concentracion Belgen/Belsen na maart 1945.

Na bida Anne Frank lo a cumpli 90 aña diamars. Gobierno di Aruba ta para un rato pa recorda e forza di un mucha pa pasa den momentonan asina duro den bida y relata esaki pa mundo por corda cu nos mester tin tolerancia pa diferencia y respet pa bida di otro.

 

- Advertisement -

DUNA COMENTARIO

Please enter your comment!
Please enter your name here