Home Hudicial Hof a condena Chalgut na 22 aña di prison

Hof a condena Chalgut na 22 aña di prison

1035
0
SHARE
- Advertisement -

A subi e castigo

ORANJESTAD  (AAN):  Ayera merdia, Chalgut a presenta den Corte pa scucha su sentencia di Hof di Corte Superior. Hof a haya Chalgut culpable di a mata na un forma hororoso Sarahi, un dama hoben di 19 aña riba 3 November 2017.

Tambe Hof ta haya cu Chalgut a horta placa 1000 florin for den e cas. Procurador General a exigi pa subi e castigo di 20 pa 28 aña di prison. Hof a condena Chalgut na 22 aña di prison.

Algun siman pasa, Corte Superior a trata e apelacion di Chalgut contra su condena di 20 aña di prison.

Durante tratamento di e caso, Chalgut a bisa Hof cu e ta corda cu riba 3 November 2017, e tabata na e cas di Sarahi mainta y nan tabatin un discusion. Chalgut a bisa Hof cu el a mata Sarahi. Hof a haci Chalgut diferente pregunta pa saca afor con e matamento hororoso a sosode, pero Chalgut a bisa cu e no ta corda con el a haci esaki.

Procurador General a bisa Hof cu e ta haya legalmente proba cu Chalgut a mata Sarahi. Ta asina cu anterior Fiscal a exigi bida largo pero Procurador General no a exigi esaki. Procurador General a exigi 28 aña di prison cu ta mucho mas halto cu e condena den Promer Instancia.

Ayera merdia Hof a dicta sentencia caminda a bisa cu ta haya Chalgut culpable di a mata Sarahi y tambe di a horta for den e cas. Hof no a sigui e exigencia di Procurador General pero a subi e castigo di 20 pa 22 aña di prison.

- Advertisement -

DUNA COMENTARIO

Please enter your comment!
Please enter your name here