Home Hudicial Homber cu a hinca dama mata dilanti Hues

Homber cu a hinca dama mata dilanti Hues

1743
0
SHARE
- Advertisement -

Diabierna awor den Corte

ORANJESTAD (AAN): Diabierna awor e homber A.R. (22) tin cu presenta dilanti Hues pa duna cuenta pa e acusacion serio cu Ministerio Publico tin contra dje. Na Februari 2019, e sospechoso a presenta caba dilanti Hues pero e caso a keda posponi pa dia 14 di Juni 2019.

    HINCA DAMA MATA:

Na Februari 2019, e sospechoso Alexander Ras a presenta den Corte cu su mannan y pianan geboei. Fiscal a bisa Hues cu e acusacion contra Alexander di 22 aña ta, cu riba 7 November 2018, intencionalmente el a hinca e dama Juraima L. Wouters di 34 aña cu un multitool den pecho, cu consecuencia cu e dama a fayece.

E caso a socede riba e Diaranzon atardi ey pa 6:30 pm riba e caya di Awakatistraat na Dakota, net pariba di ex-Kooyman.  Hendenan mes a mira e gravedad di e herida, y a transporta e dama cu urgencia pa Hospital.  Docternan a traha cune, pero por a haci nada mas.  Pa 7:21 pm a constata morto.

   CASO POSPONI:

Den sala di Corte tabata presente e mama y tata di e victima. Fiscal a bisa Hues cu e caso ta pro forma. Fiscal a bisa cu e procesverbaal ta cla, raport di psycologo y psychiater ta cla.

Sinembargo door cu no tabatin lugar riba e schedule di casonan penal, e caso ta pro forma.

Fiscal a pidi Hues pa pospone e caso pa Diabierna awor 14 Juni 2019 pa 10.30 di mainta. Fiscal a bisa Hues cu tin dos caso penal contra Alexander Ras pendiente, cu tambe lo wordo trata e dia ey.

Hues a bay di acuerdo y a pospone e caso pa dia 14 di Juni 2019 pa 10.30 di mainta.

- Advertisement -

DUNA COMENTARIO

Please enter your comment!
Please enter your name here