Home Enseñanza Hopi consecuencia negativo si no mehora presupuesto di enseñansa

Hopi consecuencia negativo si no mehora presupuesto di enseñansa

185
0
SHARE
- Advertisement -

Presidente di Siman Josephina Albertus

ORANJESTAD (AAN): Presidente di Sindicato di Maestro (SIMAR) Josephina Albertus a indica cu tur hende mester tene na cuenta cu muchanan cu ta actualmente den enseñansa ta bira e futuro di Aruba, y si bay corta den presupuesto di enseñansa, esey ta nifica cu bo lo corta e calidad di enseñansa cu bo ta duna, e preparacion cu bo ta duna muchanan pa futuro.

Mirando cu e normwaarde cu tin ta hopi abao, cu ta 90 florin pa alumno ta casi nada, si nan corta den esey, kico ta resta pa bo por duna un enseñansa di calidad.

-Reduccion di presupuesto

Si e medida aki tuma lugar, esaki lo trece problema den calidad di enseñansa, cu ya tin hopi reto caba. Por scucha di diferente directiva di scolnan cu nan no por duna e cuido y enseñansa debido na muchanan, pasobra nan no tin finansas p’e. Y si corta esaki, sigur e situacion lo empeora.

Albertus a indica cu tin directivanan di scol cu tin 46 scol y nan tin apenas 3 sociale werkster pa yuda den estructura di cuido pa e mucha, kiermen si corta esaki, kico ta bay resta pa duna e muchanan e enseñansa cu nan tin mester?

-Situacion real

Sra Albertus tambe a expresa preocupacion relaciona cu situacion real estado di edificionan  ta cu tin hopi edificio cu no ta den bon estado, hasta algun no ta apto pero no tin nada otro cu por haci. Tin hopi scol cu ta den edificionan cu nan no mester ta,  pero ta den e sitio temporalmente. Tin scol cu mester a keda den cierto lugar pa apenas 2 aña y ya nan tin 5 aña eyden.

Falta hopi material pa scolnan, por papia di scolnan cu no tin suficiente material pa duna tur mucha. E ora mester haci copia y hopi biaha docentenan ta saca di nan mesun cartera pa e muchanan por haya e material necesario, pasobra scolnan no tin placa suficiente pa esaki.

-Sinta cu gobierno-

Segun Albertus, nan a sinta cu Gobierno pa wak con  nan por traha hunto cu otro instancianan, manera scolnan cu ta duna praktijk pa por ehempel bay traha na hotel, despues pa sinta cu hotelnan pa nan tambe traha cu nos pa e muchanan aki bay haci nan stage.

Hotel ta yuda e scol na un manera financiero, cu por brinda e mucha un enseñansa di calidad, cu despues ora nan sali cu nan diploma, nan por bay traha na e mesun hotel y duna un servicio di calidad. Esaki ta un siuacion ‘win-win’ pa tur dos banda.

Simar lo keda monitor e situacion y nan ta bezig cu Minister y diferente stakeholders cu tin di haber cu enseñansa pa wak con nan por mehora e sistema, pasobra actualmente falta hopi cos pa mehora.

 

- Advertisement -

DUNA COMENTARIO

Please enter your comment!
Please enter your name here