Home Gobierno Hopi hende muher procedente di Venezuela ta bati porta di FHMD debi...

Hopi hende muher procedente di Venezuela ta bati porta di FHMD debi na maltrato

708
0
SHARE
- Advertisement -

Minister Presidente a señala:

E fundacion ta pidi ayudo di gobierno

ORANJESTAD (AAN) – Dentro di e update di e situacion cu Venezuela, Minister Presidente mr. Evelyn Wever-Croes a splica den conferencia di prensa, Diahuebs, cu Aruba a haci un apelacion na Gobierno di Hulanda, pa un fondo di 5.5 miyon euro. Esaki den cuadro di e crisis di Venezuela.

Esaki ta reparti den dos categoria: 3 miyon ta pa loke nan ta yama “migratie keten” (cadena migratorio) pa reforza e sistemanan di DIMAS, IASA, Guarda Nos Costa, pues con e procesonan den e parti di imigracion mester bay “in place”, y tambe e ampliacion di e facilidadnan di detencion pa asina garantiza cu Aruba ta actua segun e Derechonan Humano, kiermen cu no ta trapa riba derecho di ningun hende. E di dos categoria ta 2.5 miyon pa otro gastonan.

Den esaki, e dignatario a señala, mester pensa riba proyectonan den enseñanza, salud, y KPA. E mandatario a duna di conoce cu gobierno a entrega informacion den ki fase e ta. E deadline tabata siman pasa, y e departamentonan concerni di gobierno a traha masha duro riba e plannan, di acuerdo cu e modelo cu Hulanda kier pa haci.

El a subraya cu e no tabata facil, pero nan a traha di dia y anochi, y aworaki gobierno ta wardando riba e contesta.

E dignatario a referi na e siguiente paso, cu ta acudi na Union Europeo.

Esaki mirando cu 5.5 miyon euro so ta disponible, cu eigenlijk ta cubri un parti di e gastonan envolvi, ya cu hopi di e gastonan Pais Aruba ta hayando caba, y lo sigui haya si e crisis empeora y e sumanan di 23.8 miyon ni pa e 5.5 miyon, lo no cubri e gastonan ey.

Minister Presidente a splica cu Union Europeo tin un envelop, manera nan ta yame, cu tin cierto suma den dje, cu si Aruba ta cumpli cu e rekisitonan por bin na remarke pa yuda nos pais cu e gastonan.

E dignatario a expresa cu organizacionnan internacional ta bisa cu nan ta yuda y cu nan tin placa disponible, pero ora di bati na nan porta ta realiza e realidad cu e no cu e mayoria di gasto nan ta yuda bo cune.

Prome Minister a pone como ehemplo, un desaroyo lamentable cu Aruba ta enfrentando, unda cu Fundacion Hende Muher den Dificultad mas y mas ta mira hendenan muher cu ta bin for di Venezuela, cu ta wordo maltrata.

Gobierno ta haciendo un investigacion riba esaki pa mira kico exactamente ta sosodiendo. Y si ampliacion di e shelter ta bira necesario, e Fundacion ta yuda gobierno cu esaki basta por garantiza cu nan tin e placa pa paga empleadonan extra pa yuda cu e situacion.

Por ta un trahador social por atende cu cinco famia den un shelter manera ta aworaki, pero si tin diez famia mester di dos trahador social, y e gastonan ey nan no ta cubri.

Minister Presidente a comenta cu Hulanda a bisa gobierno cu nan ta yuda cu aspectonan cu por soluciona structuralmente, pero cu no tin gastonan structural mara na dje, cu no ta exigi pa pone mas hende traha riba e problema.

E mandatario a reitera cu e no ta facil, pero gobierno ta buscando e fondonan disponible.

Tocante e asunto aki DIARIO a puntra e mandatario si ta trata di señoranan Venezolano, di famianan residente, cu ta wordo maltrata pa nan pareha, y den e caso aki no por deporta e culpable, of cere pa lague den man di husticia.

Pero e tin indicacion cu ta trata di damanan indocumenta cu ta drenta Aruba y cu no necesariamente ta wordo maltrata pa un pareha Venezolano, sino pa Arubiano mes!

- Advertisement -

DUNA COMENTARIO

Please enter your comment!
Please enter your name here