Home Gobierno Hunta di Supervision di Hospital tin maximo tres luna pa nombra un...

Hunta di Supervision di Hospital tin maximo tres luna pa nombra un director financiero

47
0
SHARE
- Advertisement -

Minister di Salud Dangui Oduber:

ORANJESTAD (AAN) – Minister di Salud, Deporte y Turismo sr. Dangui Oduber, a participa den e conferencia di prensa di Gobierno, Diahuebs mainta.

E dignatario a duna un splicacion tocante kico tur gobierno y su persona como minister di salubridad ta haciendo, pa mehora e situacion cu tin den hospital dr. Horacio Oduber.

Minister Oduber a expresa cu tin hopi preocupacion eyfo y cu e tambe ta comparti e preocupacionnan aki, y pesey e ta haya cu mester bin varios cambio urgente, den e manera con hospital ta wordo maneha.

E minister a indica cu Hospital ta consisti di Directiva cu ta consisti di tres posicion: un voorzitter, un director medico, y director financiero. Manera ta conoci, e dignatario a indica, aña pasa e raad van toezicht a retira sr. Theo de Kool,  director financiero, y na e momentonan ey e raad van bestuur a keda cu un hende so, cu ta e director medico y ta fungi como esun cu ta maneha e operacion diario di HOH.

E trabao di e raad van bestuur ta wordo supervisa door di e hunta di supervision cu ta consisti di siete miembro den cual gobierno tin solamente dos representante.

Gobierno no ta di acuerdo cu esaki pasobra e autoridad cu e minister di salud ta desea di tin den e hunta di supervision ta hopi limita.

Desde December, gobierno a urgi e hunta di supervision, mirando e hecho cu nan a retira sr.Theo de Kool como director financiero

Ta conoci cu aña pasa e Directiva a retira e director financiero, pa haci tur esfuerzo pa dentro di un periodo hopi cortico yena e funcion aki mirando cu e ta hopi importante, den e maneho diario di hospital.

Pa lunanan largo e cargo aki no a wordo yena y e dignatario expresa cu e ta lamenta, profundamente, cu e hunta di supervision no tabata suficientemente pro activo pa yena e vacante aki. Minister di Salud a acentua cu a yega momento pa e hunta di supervision yena e cargo aki mas pronto posible, loke nan ta bay haci tambe. Otro siman e vacante aki lo wordo publica y a palabra cu e hunta di supervision cu den tres luna maximo e posicion aki lo mester wordo yena.

E mandatario a subraya cu no solamente esaki ta un decision cu el a tuma, y a expresa e deseo di gobierno, den e caso aki Ministerio di Salud, tocante kico nan kier mira como cambio na hospital.

El a agrega cu sr. Ezzard Cilié tin un contrato te cu fin di aña y den e caso aki e mandatario a sinta cu e Raad van Toezicht y a bise cu bao di ningun circunstancia gobierno ta desea pa nan duna un extension na e contrato di sr. Cilié.

Nan a bise cu na mes momento cu nan busca un director financiero, gobierno kier pa tambe e posicionnan di voorzitter y director medico wordo yena dentro di un periodo di tres pa cuater luna. Minister Dangui Oduber a expresa cu a yega momento pa sr. Cilié wordo reemplaza.

 

- Advertisement -

DUNA COMENTARIO

Please enter your comment!
Please enter your name here