Home Actividad Especial IDEA ta organiza workshop gratis pa personanan cu a baha cu pension

IDEA ta organiza workshop gratis pa personanan cu a baha cu pension

198
0
SHARE
- Advertisement -

ORANJESTAD (AAN):  Desaroyo pa Empresa Arubano (IDEA) cu ta un unidad di Departamento di Asuntonan Economico, Comercio y Industria ta organizando un tayer hopi interesante pa tur persona como tambe e pensionadonan cu ta desea di uza nan carera y experticio den nan mesun negoshi.

E tema di e tayer aki ta “Silver Entrepreneurship Workshop” y e lo wordo presenta na Papiamento, Stanley Dabian a duna di conoce.

~Stanley Dabian~

E tayer aki lo duna algun tips of contestanan ariba preguntanan cu hopi biaha un persona sa puntra su mes ora cu e yegando e edad di pension manera kico pa haci awor, con ta bay sigui y den kico ta bay ocupa su mes, sea un negoshi of hobby y banda di esaki sigui upgrade cu tecnologia y innovacion.

E workshop aki lo wordo presenta door di diferente profesional den diferente ramo. E tayer lo ta di dia 10 di Juni te cu 14 di Juni entre 8 am y 12:30  pm na Departamento di Asuntonan Economico, Comercio y Industria na Sun Plaza. Participacion ta completamente gratis, Dabien a enfatiza.

E dianan aki e oradornan lo yuda bo brainstorm bo ideanan y hasi bo ideanan bira realidad.

Judella Trim, Business Development Advisor di IDEA a agrega cu e siguiente oradornan lo ta presente y lo presenta e siguiente topiconan:

~Judella Trim~

–  Dave Martinus, Certified Business Coach pa ActionCOACH, y lo presenta ‘Kico ta ensera entrepreneurship’;

–  Marc Croes, Policy Advisor Sustainable Development Planning na Departamento di Asuntonan Economico; y lo elabora ‘Con pa aplica e tema sostenibilidad den bo negoshi’;

– Notaris Johnson; lo presenta temanan di: bedrijfsvormen (eenmanszaak/ NV/ VBA), bedrijfsopvolgingen (diferencia den companianan) ora cu bo lo kier cuminsa un negoshi y tambe lo presenta tocante testamenten/ nalatenschap (kico por laga atras y pa ken);

– DEZHI, afdeling di Vestiging van Bedrijven lo papia di tur e tipo di vestigingsvergunningen (permisonan pa establece un negoshi) cu tin y cu bo lo por aplica na e departamento aki y IDEA, lo papia tocante tur nan servicio- y trainingnan/ curso cu nan sa ofrece na clientenan;

– Benny Richardson, lo papia y mustra e importancia pa ta exitoso den bo bida personal door di biba un bida saludabel (come saludabel y sport). Tur esaki ta bo mindset pa ta un entrepreneur exitoso!;

–   Kenneth Faustin, broker na Best Buy Aruba y un Certified Auctioneer, lo papia tocante oportunidad comercial den ‘Real Estate’;

– SVB, lo presenta tocante wergevers- en werknemers verzekering (primanan social);

– Tamarah Arends-Croes, Business Electronic Sales Specialist na RBC Bank, lo elabora riba nan procedura pa habri un account y e producto/ servicionan innovativo cu RBC ta ofrece;

– Futura, lo presenta 2 topico:

‘Future of Work’ y ‘Design Thinking’ special pa pensionadonan;

– Santa Rosa, con bo por hasi di agricultura bira comercial;

– Cindy Clark, Managing Director di Accura Tax Consultancy, lo elabora tocante impuesto relevante pa un entrepreneur;

– SETAR, lo elabora tocante e importancia di ‘Digital Marketing’. Lo duna tips efectivo con pa promove bo negoshi via social media manera Facebook, Instagram, Google Search. Y lo papia tambe tocante Direct Email;

Finalmente, Louella Croes-Ras, Beleids Medewerker na IDEA a duna di conoce cu durante e workshopnan aki lo tin intercambio di experiencia di:

~Louella Croes-Ras~

–  Lionel Rumnit, kende ta specialisa como Job Coach na ‘Trampolin pa Trabao’, y lo conta, con e ta train e personanan cu disabilidad pa den futuro por dentra den mercado laboral den nos sociedad;

–  Rosa Alberto, propietario di Ginger Aruba Rosken, kende a cuminsa su negoshi ora e la drenta su edad di pensioen;

–  Loui Richardson propietario di Invest Secure; con pa continua cu bo negoshi ora bo yega bo edad di pension;

–  Merrill Robles (un pensionado), con e ta yuda comunidad pa medio di un negoshi y pafor di un negoshi.

Ta bon pa reitera cu e workshopnan aki lo ta completamente gratis y tuma lugar dianan 10 pa 14 juni venidero, entre 8:15 a.m. pa 12:30 p.m na Departamento di Asuntonan Economico, Comercio y Industria. na Sun Plaza, di dos piso, sala # 25, di 8.15 am pa 12.30 pm.

Registracion ta posibel pa medio di e link:
https://www.eventbrite.com/e/silver-entrepreneurship-workshop-for-the-retired-or-soon-to-be-retired

- Advertisement -

DUNA COMENTARIO

Please enter your comment!
Please enter your name here