Home General Influencia grandi di Citgo riba situacion financiero Aruba

Influencia grandi di Citgo riba situacion financiero Aruba

198
0
SHARE
- Advertisement -

Relato anual 2018 Algemene Rekenkamer Aruba ta confirma

*E organo di estado ta pidi atencion pa e gastonan di personal 

ORANJESTAD(AAN)– E relato anual di Algemene Rekenkamer Aruba cu a mira luz luna pasa, ta mustra riba tur e aspectonan cu a hunga un papel den desaroyonan di 2018. Resultado di 2017 a haci cu no por a papia di medidanan structural pa atende cu e situacion.

Durante e ultimo añanan a tene hopi cuenta cu resultadonan positivo incidental y tur atencion tabata dirigi riba e resultadonan cu e proyecto di Citgo mester a duna pero no a wordo materialisa.

Aña 2018  a wordo afecta pa e situacion cu a desaroya a 2018 y e pronostico di Algemene Rekenkamer Aruba ta, cu den e añanan venidero e presion cu a wordo causa, lo continua.

Segun Algemene Rekenkamer Aruba mester opta pa sigui un meta comun. Un situacion financiero duradero mester wordo carga dor di tur responsabel y no mester ta solamente trabou di e Minister di Financia.

E organo di estado, ta papia tambe di e responsabilidad di Parlamento pa por alcansa e logro aki.

Mester dirigi tur bista riba solucion. Na un forma particular mencion ta wordo haci riba e gastonan di personal di Gobierno, cu mester wordo bon maneha.

Ora ta haci gasto mester tene bon cuenta cu e necesidad y e beneficio.

Ta pidi Parlamento pa mantene un postura fuerte den hacimento di gasto cu mester ta sostenibel.

Parlamento mester vigila e prioridadnan y loke Gobierno ta scoge.

Mester tin atencion pa documentonan cu ta wordo emiti y den esaki ta papia di e Presupuesto pero na un forma directo tambe di e cuentanan anual cu mester indica si e alcansa e propositonan cu a wordo haci.

A pidi e Ministro di Financia pa marca e caminda cu mester sigui pa financia sostenibel.

 

 

 

- Advertisement -

DUNA COMENTARIO

Please enter your comment!
Please enter your name here