Home General Last lap di pone asfalt riba Sasakiweg a cuminza

Last lap di pone asfalt riba Sasakiweg a cuminza

69
0
SHARE
- Advertisement -

ORANJESTAD (AAN): E siman aki, DOW a confirma cu nan a cera e caminda di rotonde di Eagle Bowling te na rotonde di Super Food.

   FASE 1:

Nan a cera e banda pariba di e caminda aki, pa asina por cuminsa fase 1 y pone e ultimo capa di asfalt. Duracion di e ceramento aki lo ta te cu dia 21 di juni 2019.
Desviacion ta via rotonde di Eagle Bowling direccion Hato, Caya Musica y San Miguel.

   FASE 2:

Diaranson 12 di juni 2019 lo cera rotonde di Super Food completo y e banda West di L.G. Smith Blvd. te cu rotonde di Eagle Bowling pa asina pone e ultimo capa di asfalt. Rotonde di Super Food lo habri diadomingo dia 16 di juni 2019 y e caminda banda West lo habri te cu dia 21 di Juni 2019. Desviacion ta pasa dilanti RWZI Bubali pa asina yega Juancho Irausquin Blvd. direccion Oranjestad.

   FASE 3:

Dialuna 17 di juni 2019 lo cera e rotonde di Eagle Bowling completo y banda West te cu rotonde di Hospital pa por pone e ultimo capa di asfalt. Dialuna dia 24 di juni 2019 e caminda lo habri back. Desviacion ta via Schotlandstraat y Caya Musica.

   FASE 4:

Diaranson 19 di juni 2019 lo cera e banda Oost for di rotonde di Eagle Bowling te cu rotonde di Hospital pa por pone e ultimo capa di asfalt. Dialuna dia 24 di juni 2019 e caminda lo habri back. Desviacion ta via Schotlandstraat y Caya Musica.

   FASE 5:

Dialuna dia 21 di juni 2019 lo cera e banda Oost for di e T-kruising (TNO) te cu rotonde di Hospital pa pone e ultimo capa di asfalt y e caminda lo habri dia 24 di juni 2019. Desviacion ta via Schotlandstraat.

Por ultimo ta importante pa menciona cu fechanan di trabaonan riba L.G. Smith Blvd. por worde cambia si haya inconveniencianan.

- Advertisement -

DUNA COMENTARIO

Please enter your comment!
Please enter your name here