Home General Lider universal Mike Eman mester splica Aruba algun cos den Parlamento

Lider universal Mike Eman mester splica Aruba algun cos den Parlamento

11
0
SHARE
- Advertisement -

Analisis

Na momento cu Mike Eman a haci su entrada den politica na Aruba, ainda Arubianonan no tabata sa kico ta spera nan. Nan tabata inconsciente di e realidad grandi di Mike Eman, cu a nace pa ta un lider universal.

Despues di a logra bira lider di e partido berde, cu a comprende cu e ta e persona cu a nace pa dirigi e partido y ningun otro persona, e tabata sa di subi e tram corecto pa presenta su mes como e gran politico di Green Corridor.

Na 2009, Aruba a mira entrada di un lider cu ainda mester a mustra e pais kico mester spera di un votegetter cu curashi pa kibra tur tradicion, sigur e tradicionnan legal hancra den nos estado di derecho.

El a bini cu un vision unico y cu dos rapport cu Raad van Advies den poco palabra a “manda scol pa gradua como documento oficial”, a logra deshaci di BBO.

A cambio di paga mas BBO, el a bisti belasting un disfraz y a corona su mes como Rey di urna electoral na 2010 ora debe nacional di casi 100 Miyon mester a cubri e prome buraco cu el a coba pa dera Aruba.

El a lansa su rapport di “Bo Aruba” cu a permiti creacion di un puzzel financiero cu companianan priva, sin cu pueblo di Aruba por a mira cu cada contracto tabata un participacion di morto di Aruba.

Pa su buena suerte, den su gobierno tabata tin un minister cu sa di asunto petrolero y segun e Curriculum Vitae di e tempo cu a haci cu el a bira famoso, tabata bon conoci tambe cu companianan na Merca.

Mike a crea un sombra di su mes cu hasta por a reaccion y contesta riba e nomber, ora Mike Eman mes den futuro lo mester a sambuya, pa su cabes no sali den e olanan turbulento cu el a hinca Aruba.

E otro Mike a haci su entrada y no a dura prome cu…….exactamente. Di tur hende na mundo, bista di The Saint a cay riba Nicolas Maduro cu tabata haci kenshi cu placa di Venezuela.

Venezolanonan mes tabata na careda mientras nan placa tabata disparce den e ola di criminalidad di e San Nicolas di Mike&Mike etc.

Mike Eman a nace pa ta lider universal y esey Aruba lamentablemente nunca a comprende. Pa bo ta lider universal de bes en cuando bo mester drenta raket pa asina bo yega un destinacion extratereste.

For di su haltura, halto eleva for di e politica tradicional di e Arubiano humilde cu no tabata sa kico lo a spera e pais, Mike Eman a haci lidernan Cubano, Nicolas Maduro, comunistanan mundial, su hendenan di confiansa.

Uno di nan tabata Nelson Martinez, que en paz descanse, cu awe ta Nicolas kier manda prizon pasobra el a duna otro hende cu no ta e compania stima di Nicolas, e oportunidad pa haci prestamo cu Citgo como borg. Maduro a tira Martinez den prizon hunto cu otro grandi di Citgo cu tabata tene tea-party na Aruba, sede di Citgo Caribense di Nicolas Maduro.

Na 2017 Mike Eman tabata sa cu e bom di e acuerdo Citgo, cu el a dera den secreto pa Parlamento lo a rementa. El a logra haya hopi voto pero su partido mes a keda cu pan cu Nicolas Maduro a bati.

Mike no a drenta Parlamento y mientras Aruba tabata zink el a cuminsa cu su gira internacional cu awor a hiba su persona otro isla desconoci pa Aruba, caminda el a tene un discurso pa yuda haya fondo pa un museo.

Asina Mike Eman ta prepara pa e ultimo parti di su careda cu lo haci su persona lider universal.

Pero prome cu Mike Eman sigui habri caminda pa e pober islanan subi e caminda pa nan desaster manera el a haci cu Aruba, e mester drenta Parlamento pa splica Aruba pakico el a destrui Aruba.
Si e ta incapaz pa bin duna cuenta na e pueblo di Aruba, Parlamento mester cuminsa cu encuesta. Ministerio Publico mester pidi yudansa di organisacion mundial contra crimen, y gobierno mester duna Aruba espacio pa haya sa tur berdad di un crimen cu a wordo cometi cu Aruba y Arubianonan.

 

- Advertisement -

DUNA COMENTARIO

Please enter your comment!
Please enter your name here