Awacero a cay y… ayo verf!
ORANJESTAD (AAN): Esnan cu ta circula tur dia ariba Avenida Watty Vos por a ripara cu tin trabaonan cu ta tumando lugar banda di caminda y ariba caminda pa asina keda cla cu algun detaye.
Sinembargo, por a ripara cu a marca e caminda cu lineanan blanco pa dividi e caya pero locual a hala atencion ta cu un awacero a cay y ya caba e verf a cuminza kita.
Esaki parce ta un problema cronico cu tin na Aruba relaciona cu e calidad di e verf cu ta wordo uza. Tur ora ta sosode mescos.
Con otro paisnan unda awacero ta cay tur dia? Con nan ta resolve e asunto aki cu e marcacion di e camindanan?
Lo ta na su lugar, segun lector, pa DOW cuminza puntra e contratistanan cu ta gana e destahonan pa traha ariba caminda pa tene cuenta cu e calidad di e verf y evita cu cada rato mester topa cu e caminda no ta marca y cu mester bolbe verf.
