Home General Maduro lo no por drenta Aruba

Maduro lo no por drenta Aruba

657
0
SHARE
- Advertisement -

Resumen 

Hulanda entre paisnan Europeo cu lo cera porta pa grupo di Nicolas 

Prome cu el a haya su mes den basta problema, Nicolas Maduro a anuncia cu e ta descendiente di Arubiano.

E noticia a bira un shock pa comunidad, pasobra esaki lo por ta un indicacion cu Maduro tin den su cabes pa e bini Aruba si suela bira mucho cayente na Venezuela.

E preocupacion a aumenta, ora a cuminsa mira con hendenan hopi cerca di Nicolas Maduro a cuminsa demostra interes pa Aruba y a crea e impresion cu na luga di gas a e refineria, Aruba lo por a spera nan yegada na careda.

Durante fin di siman a drenta un informacion cu lo trankilisa Aruba. Segun prensa internacional, cinco fuente a informa nan cu portanan di e paisnan ta bay cera pa e regimen di Nicolas. Aparentemente ya tin un palabracion pa tuma medida contra miembronan importante di Forsanan Arma di Venezuela y di e sistema hudicial cu lo a percura pa detencion di aliadonan di Juan Guaidó.

Merca tin un lista di mas cu cien funcionario di Maduro cu no por yega na nan cuenta bancario y cu tampoco por haci negoshi cu companianan Mericano.

Pa Aruba e medidanan di Merca no tabata di gran importancia y por a mira Asdrubal Chavez entre e grupo rechasa pa Merca, sinti su mes bon na Aruba.

Segun prensa internacional a trece dilanti durante fin di siman, Inglatera, Francia, Alemania, Spaña y Hulanda lo tin e plan pa introduci restriccionnan financiero y di biahe pa nan pais contra miembronan di grupo Maduro.

Pa Aruba esaki ta nifica cu na momento cu Hulanda cera porta pa Nicolas Maduro, e no por drenta Aruba tampoco. E lo no por pasa e frontera cu na diferente ocasion e mes a cera y awor Aruba a dicidi di cera por lo pronto.

Cu e informacion aki, porta ta habri di otro banda pa informacion si e grupo aki tin interes na paisnan Hulandes, manera Aruba. Pa tuma medida, Hulanda mester ta na haltura con placa of otro interes financiero di exponentenan di grupo Maduro a circula na entre otro Aruba.

Ta parce cu Aruba no ta haya un chens pa disparce un rato for di e scenario di Maduro y su grupo, cu manera Aruba mes a mira tabata un segundo cas pa hendenan yega na Maduro.

Mientras Venezolanonan cu Maduro tabata kibra tabata bini Aruba pa lanta nan placa prome cu Maduro a pone nan entrega nan rikesanan, Aruba mes tabata brasa Maduro como un heroe.

Turistanan Venezolano por a cay den cantidad pa Aruba, pero e pais por a sigui gosa di e amigonan di Maduro, aunke nan man y nan placa a wordo susha cu e dolor y morto di tanto Venezolano.

Siman ta habri cu e promesa cu porta ta cera pa Maduro. A menos cu Maduro logra coy poder atrobe di e pais cu el a destrui, e noticia ariba su mes no ta shock Aruba. Loke lo shock Aruba si ta, si resulta cu tabata tin un tunnel invisibel pa Arubianonan entre Aruba y Maduro. Un tunnel den cual e por a manda un parti di e fortuna cu tabata di Venezuela pa destino scondi, cu lo keda revela ora porta cera y berdad mira luz.

- Advertisement -

DUNA COMENTARIO

Please enter your comment!
Please enter your name here