Home Enseñanza Maneho nacional di siguridad di SIMAR ta riba bon caminda pa garantisa...

Maneho nacional di siguridad di SIMAR ta riba bon caminda pa garantisa siguridad di alumno y docentenan

13
0
SHARE
- Advertisement -

Prome Minister Evelyn Wever-Croes:

ORANJESTAD (AAN):  Siguridad den scolnan ta un prioridad. Siman pasa Prome Minister Evelyn Wever-Croes a reuni cu Simar, Centraal Bureau Statestiek y Directie Onderwijs pa atende e tema aki. E trabounan pa un Maneho Nacional di Siguridad ta riba bon caminda pa asina garantisa e siguridad di alumno y docentenan.

Prome Minister a duna di conoce cu e tin un bon relacion cu e sindicato SIMAR y lo tey semper pa SIMAR su preocupacionnan. SIMAR ta demostra di tin curason pa enseñansa, brindando mes un importancia na e docentenan como na e alumnonan.

Ultimamente SIMAR a trece dilanti varios puntonan di preocupacion y Prome Minister a indica cu e ta purba semper di duna nan e atencion y scucha nan.

Den e reunion hunto cu SIMAR, Centraal Bureau Statistiek y Directie Onderwijs, a wordo trata e incidente di algun luna atras na unda un mayor a agredi un juffrouw di scol. Un acto cu a trece hopi comision den e mundo di enseñansa. For di e momento ey, Prome Minister a pidi SIMAR pa yuda bin cu un plan pa trece siguridad na scolnan tanto pa alumnonan como pa docentenan.

“E plannan ta bay den bon direccion pa nos por tin un Maneho Nacional di Siguridad na scol. SIMAR ta sigui desaroya e plan aki pa asina pronto nos docente y alumnonan por conta cu siguridad y proteccion na scolnan.

Prome Minister a tuma e oportunidad pa felicita SIMAR pa nan 50 aña di existencia y ta desea nan hopi exito den nan lucha pa e bienestar di e docente. E docente ta parti integral den nos enseñansa y enseñansa ta e base pa futuro.

 

- Advertisement -

DUNA COMENTARIO

Please enter your comment!
Please enter your name here