Home Turismo Merca ta keda un mercado hopi fuerte pa Aruba

Merca ta keda un mercado hopi fuerte pa Aruba

21
0
SHARE
- Advertisement -

ORANJESTAD (AAN): Actualmente tin algun preocupacion den mundo di turismo relaciona cu e uso di e avionnan Boeing 737. Ronella Tjin Asjoe-Croes, CEO di ATA a laga sa cu e companianan aereo cu parti di nan flota ta e tipo di avionnan aki lo por bisa na dado momento cu nan tin menos avion y cu nan ta bay ta mas exigente y critico di unda nan ta pone avionnan cu nan tin.

E CEO di ATA ta expresa cu e ta espera cu no ta e caso, pero eynan lo por tin un impacto ariba locual ta mira ta e bon proyeccionnan pa Aruba.

El a agrega cu e oportunidadnan ta bin den diferente manera. Tin destinonan cu ta sufriendo di problemanan di seguridad, por ehempel y por menciona e caso di Republica Dominicana.

Tur esaki ta lamentabel sigur pa e islanan ruman, pero ta oportunidadnan pa Aruba, a bisa.

     TURISMO CRUSERO

Ronella Tjin Asjoe-Croes a duna di conoce cu el a haya conformacion di Aruba Ports Authority (APA) cu tin diferente peticion cu a drenta cu ta resulta den mas negoshi pa Aruba. Sin kita e parti di ‘stay over tourism’ cu sigur lo tin un impacto positivo.

Merca ta un mercado hopi fuerte pa Aruba y pa dos aña consecutivo bayendo pa di tres aña e ta sigui ta fuerte, Tin indicacion cu pa 2020 temporada halto tambe lo por continua di ta un mercado hopi fuerte, pero tur ta oportunidadnan tambe, a remarca.

      LATINOAMERICA

E CEO di ATA a laga sa tambe cu e mercado di Latinoamerica ta uno volatil y ta depende di e situacion politico – economico cu ta impacta diferente di e mercadonan aki. Pero tin ainda como meta crece e region di Latinoamerica.

Ta enfocando ariba e mercado di Colombia, Chile, Peru. Peru ta un mercado nobo cu a duna bon resultado aña pasa pa loke ta e categoria di gruponan cu ta bishita Aruba.

“Pues nos ta sigui traha ariba e region ey sigur”,  Ronella Tjin Asjoe-Croes a indica.

- Advertisement -

DUNA COMENTARIO

Please enter your comment!
Please enter your name here