Mester atende incertidumbre sector local di energia 

    302
    0
    SHARE
    - Advertisement -

    Problemanan petroleo y refineria ta escala rond mundo

    *Citgo Aruba, FMSA, RdA mester haya claridad awor

    *Caracter legal di acuerdo mester wordo estableci pa Aruba   

    ORANJESTAD  (AAN) — Recientemente Ministro Presidente a anuncia un plan total pa atende cu e problemanan cu a surgi cu Citgo. Mientrastanto diariamente, manera por a spera for di 2016, desaroyonan nobo ta mira luz den sector di petroleo y refineria rond mundo. Situacionnan alarmante ta presenta y sigur ta duna motibo pa Aruba actua riba tereno gubernamental.

    DIARIO mas cu nunca ta mantene contacto cu informantenan cu, manera tempo a mustra, a guia DIARIO pa por a presenta un panorama realistico na pueblo di Aruba.

    E situacion mundial, manera for di aña pasa a wordo revela den articulonan cu DIARIO a presenta, ta exigi pa pasonan importante wordo tuma.

    Na prome luga, Parlamento cu for di 2018 tin tur documento relaciona cu e acuerdo di Citgo, mester bini dilanti. Informantenan a indica, cu na prome luga mester bay determina si e acuerdo tin balor. Esaki ta pone un fin na loke ta un aventura y incertidumbre planea den mundo di energia na Aruba.

    Mientras petroleo ta motibo di crisis mundial, e entrega di combustibel cu ta dicidi pa mercado local y economia, ta keda den man di Citgo, cu ta un incertidumbre y insiguridad riba su mes.

    Segun informantenan awor mester busca un alternativa pa entrega di energia riba mercado mundial mientras na mes momento ta afirma e caracter legal di e acuerdo. Si e acuerdo no tin caracter legal, Aruba por pone fin na e acuerdo na momento cu e ta desea y busca un solucion.

    Informantenan di DIARIO no por comprende con sin mas ta busca solucion pa un acuerdo cu segun organo di estado Raad van Advies no a wordo alcansa na forma legal. E caracter legitimo ta na duda den un documento cu nunca Parlamento mester a firma sin a haya oportunidad di tuma nota di e contenido.

    “E forma cu a introduci Citgo na Aruba ta un bofon den nos estado di derecho,” un informante clave a trece dilanti y a mustra cu ta tempo pa organonan oficial di estado dicidi riba legitimidad di e acuerdo.

    Importante ta pa kibra incertidumbre riba futuro directo di Aruba, cu segun un orden nobo den e acuerdo ta den man di FMSA, un di e entidadnan huridico cu a wordo uza den henter e puzzel legal di Citgo, cu nunca a haya aclaracion.

    “Aruba no por ta papia cu mundo mientras Aruba mes no sa si e documento cu a firma cu Venezuela pa Citgo tin validez,” a wordo mustra na DIARIO.

    Loke Aruba mester tene na consideracion ta, cu Aruba ta confronta un mundo di problema di wordo acusa di complicidad criminal te e punto cu e crisis mundial por resulta sumamente negativo pa Aruba.

    Na e momentonan aki diferente asunto cu te awor tabata scondi, mundialmente ta bini dilanti.

    E crisis di petroleo cu a keda latente for di añanan 80 y a ocasiona cu Lago a cera, ta e problema grandi cu ta rementa rond mundo y tambe ta origen di e desaster na Venezuela cu ta uno di e centro di operacionnan petrolero di paisnan y organisacionnan comunista of hasta liga a asuntonan grave.

    Aruba awor mester atende tur aspecto interno di e acuerdo, mira con e ta afecta Aruba riba tur nivel pa e ora bay sigui cana riba posibilidad pa futuro.

    Mientras no defini Citgo pa por tuma un decision final, no tin progreso den un situacion cu nunca mester a desaroya su mes na un pais democratico.

    - Advertisement -

    DUNA COMENTARIO

    Please enter your comment!
    Please enter your name here