Home Gobierno Minister Ruiz-Maduro: No tin aumento di prijs di pan

Minister Ruiz-Maduro: No tin aumento di prijs di pan

169
0
SHARE
- Advertisement -

Panaderonan kier pa prijs di pan bruin baha

ORANJESTAD (AAN)—Den conferencia di prensa di Gobierno, Diahuebs mainta, Minister di Finanzas, Economia y Cultura a duna informacion tocante e reunion cu e tabata tin Diaranzon atardi, cu e dos panaderonan grandi cu ta forma e Asociacion di Panadero.

E mandatario a cuminza bisando cu e siman aki a habri cu e noticia cu lo tin aumento di prijs di pan. Un medio di comunicacion a publica cu lo tin aumento di prijs di pan entrante 1 di Juli, y claramente a cuminza un discusion publico, tocante esaki.

E dignatario a expresa cu discusion publico ta hopi importante pa nos pais na e momentonan aki, pero semper e ta señala cu e discusion mester ta basa riba e informacion corecto tambe.

E mandatario a subraya cu  no pasobra un medio di comunicacion a saca e noticia of pasobra a bise na radio, necesariamente esey ta e berdad. Segun e minister, for di e mes skina ey semper tin manipulacion.

Minister Ruiz-Maduro a menciona cu el a sinta na mesa cu e dos panaderonan grandi (Asociacion) y a puntra nan, y nan a confirma cu no ta asina cu dia 1 di Juli tin aumento di prijs di pan.

Kiermen, e prijs di pan ta keda na mesun prijs cu ta wordo bendi aworaki riba mercado.

Si ta asina cu nan a bin cu un propuesta, y cu ta un propuesta cu nan a haci aña pasa y cu awor nan ta adapta. E mandatario a menciona cu aña pasa, rond di e temporada aki, el a sinta cu e panaderonan net prome cu e cambionan cu mester a bin cu e crisis heffing. Esaki tabata pa e prijs di pan wordo ahusta.

Minister Ruiz-Maduro ta haya importante cu e panaderonan tabata kier pa e prijs di pan wordo regula, no solamente e pan blanco of e pan plus cu nan ta produci, sino tambe pan bruin.

E aña aki tambe nan kier esey, y den e propuesta aki bon ta cu e prijs di pan bruin ta bira mas barata.

Esey ta loke nan kier logra den e ahustacion aki, unda cu nan kier mira cu e kipashi blanco y esun bruin tur cos cay bao e prijs maximo di gobierno, pero den esaki nan kier pone cu e pan bruin cu ta esun mas uza na e momentonan aki por baha su prijs.

Esaki ta e proposicion cu aworaki ta den man di Departamento Economico pa haci su trabao.

 

- Advertisement -

DUNA COMENTARIO

Please enter your comment!
Please enter your name here