Home Policial Monton di Polis y oficial hudicial pa un razzia riba Olde Molen...

Monton di Polis y oficial hudicial pa un razzia riba Olde Molen Nightclub

472
0
SHARE
- Advertisement -

ORANJESTAD (AAN): Bao guia di Fiscal y henter Ministerio Publico, hunto cu Departamento di Narcotica di Cuerpo Policial Arubano, a prepara un razzia di sorpresa riba Diahuebs atardi.

Unidadnan di Team di Aresto, Recherche, Polisnan di Playa, Polisnan di Strandpolitie, oficialnan hudicial di Departamento Tecnico di BFTO, unidadnan di K9, Mobiele Eenheid, y hasta e Helicopter a prepara y haci palabracionnan pa asina nan tin tur skina di e lugar aki vigila, di forma cu ningun hende por huy.

E razzia aki a ser teni riba e establecimento nocturno di Olde Molen na Palm Beach.  E accion aki a desemboca debi na un investigacion cu ta andando, y e autoridad a haya cu Diahuebs ta e momento oportuno pa tene e razzia aki riba e nightclub aki, den oranan di atardi ora cu ainda tin solo.

Manera ta conoci, Olde Molen tin un discoteca net bao di e molina, y tin un seccion tambe na di dos piso cu tin biaha ta wordo usa como e “VIP Section”.  Parti pafo tin un bar cu tambe tin su musica aparte cu ta toca anochi.

Por a nota cu Polisnan a bay dedica pa check e Nightclub tanto abao, como tambe e di dos piso.

Mas detaye no a ricibi di autoridad encuanto e entrada hudicial aki, pero si a confirma cu el a socede den cuadro di un investigacion andando.  Por lo menos 1 persona a keda deteni na Olde Molen.

 

- Advertisement -

DUNA COMENTARIO

Please enter your comment!
Please enter your name here