Home General Na November lo tin Songfestival 60+ di Fundacion FMTB

Na November lo tin Songfestival 60+ di Fundacion FMTB

10
0
SHARE
- Advertisement -

ORANJESTAD (AAN): E aña aki atrobe Fundacion Movemento ta Bida (FMTB) ta bay organiza un Song Festival bailable 60+ cual lo tuma lugar dia 23 di November 2019 den Ranaissance Ballroom hunto cu nos Nochi di Baliadornan.

E aña aki e cancionnan mester ta na Papiamento p’asina promove nos idioma. Tur cantante lo worde companja pa Papito y su Biba Lekker Band y e coordinacion completo lo ta den man di Roy Sneek. Harold de Miranda lo ta e coordinador di parti di FMTB.

Tin lugar pa 15 cantante y tur persona 60 aña of mas edad por partisipa menos esnan cu ta professional y FMTB ta carga tur gasto di e songfestival. Bo no mag di ta cantante di un Banda. Kico mester haci pa participa:

(1) Duna bo nomber , adres y telefon na FMTB situa den edificio di IBiSA.

(2) E aña aki lo tin un lista di cancion cu bo por escohe cerca Roy Sneek.

(3) Mester haci esaki promer cu fin di 10 di juli 2019.

(4) Pa luna di juli tur hende lo haya un sita cu Roy Sneek pa check tonada di bo cancion, etc.

Pa cualkier informacion por contact Harold de Miranda of Roy Sneek, of cualkier miembro di Directiva di FMTB. Si bo kier canta dilanti di un publico grandi cu un banda anto awor ta bo opportunidad. Yama pa inscribi pasobra ta 15 lugar so tin.

- Advertisement -

DUNA COMENTARIO

Please enter your comment!
Please enter your name here