Home Gobierno Ningun decision  a perhudica of lo bay perhudica esnan cu ta traha...

Ningun decision  a perhudica of lo bay perhudica esnan cu ta traha na Traimerdia

44
0
SHARE
- Advertisement -

Minister Armando Rudy Lampe:

ORANJESTAD (AAN):  Minister Rudy Lampe hunto cu Prome Minister Evelyn Wever Croes a ricibi trahadonan di Traimerdia. E mandatario ta aprecia cu tur cos a bay den un bon ambiente y ta kere cu ta na mesa den dialogo ta yega na un solucion.

E delegacion cu a sinta na mesa hunto cu e mandatarionan a trece padilanti nan preocupacionnan y Prome Minister Evelyn Wever Croes a haci palabracion cu diarason lo tin un contesta di parti di Prome Minister pa loke ta nan preocupacionnan. Sinembargo e dialogo a bay positivo pa loke ta trata e trahadonan di Traimerdia.

Ya caba Traimerdia tabata den Parlamento cu e comision figo di enseñansa na unda nan a trece nan preocupacionnan y nan a ricibi nan contestanan tambe. E mandatario ta contento mirando cu varios di e preocupacionnan cu ya caba nan a haya contesta riba nan den e reunion cu Prome Minister no a keda treci mas padilanti. Esaki ta un progreso den e proseso di dialogo y esey ta positive, segun Minister Lampe.

Loke cu tambe ta positivo di henter e situacion aki ta cu tin un grupo cu a acepta e mandatario su proposicion pa drenta e trayecto di enseñansa debi cu Aruba tin mester di trahadonan  den e organo di enseñansa. E mandatario a ofrece tur esnan den Traimerdia pa nan participa den e proseso di enseñansa combina cu un formacion  pa asina despues bira asistente di educacion of maestro certifica.

Minister Armando Rudy Lampe ta contento mirando cu tin un grupo cu a acepta e reto aki debi cu Aruba mester di nan y pa nan mes ta un adelanto tambe y un logro mas den bida. Tambe tin un otro grupo cu a dicidi cu lo keda na Traimerdia, un proyecto cu sigur ta sumamente importante pa Aruba.

Rapport di UNICEF for di 2013 a indica cu na Aruba nos tin un problema di negligencia di mucha debi cu e desaroyo economico a bay den un direccion cu bida a bira caro na Aruba, unda cu mama y tata mester traha y e muchanan tin biaha ta keda sin guia na cas. Esaki no ta un situacion cu ta sano, pa e motibo aki mes Traimerdia tin un funcion hopi importante pa tin guia despues di oranan di scol.

Sinembargo esnan cu ta keda den e proyecto nan posicion huridico ta garantisa, esaki ta significa cu niun decision cu Gobierno tuma ta bay perhudica esnan cu ta trahando na Traimerdia. E parti aki no mester ta un discusion mes debi cu ningun decision a perhudica of lo bay perhudica esnan cu ta traha na Traimerdia.

Tur lo keda cu nan posicion huridico, nan ta keda cu nan funcion di duna guia na nos muchanan unda cu e muchanan tambe ta sali beneficia  cu e proyecto di Traimerdia.

Minister Lampe ta spera cu pa otro siman despues cu ricibi e contestanan di Prome Minister, cu por haci mas avance pa loke ta e preocupacionnan cu nan tin y poco poco resolve tur nan preocupacionnan.

 

- Advertisement -

DUNA COMENTARIO

Please enter your comment!
Please enter your name here