Home Salud Pashentnan cu ta sufri di presion halto mester pone mas atencion durante...

Pashentnan cu ta sufri di presion halto mester pone mas atencion durante temporada di calor

275
0
SHARE
- Advertisement -

Gino Goeloe di Wit Gele Kruis

ORANJESTAD (AAN): Director di Wit Gele Kruis, Gino Goeloe a indica cu temporada di horcan ta e temporada di mas calor na Aruba, y semper Wit Gele Kruis ta aconseha nan pashentnan cu ta sufri di presion halto pa pone mas atencion durante e temporada aki.

-Bebe remedinan na tempo-

Hopi biaha ta pasa cu e pashentnan no ta bebe nan remedinan di manera regular, dus un dia si un dia no, kiermen nan ta enfatiza pa e pashentnan bebe nan remedinan na hora tur dia, si por hunto cu nan cuminda.

-Cambia horario di haci cierto trabao na cas-

Otro conseho pa nan pashentnan cu ta sufri di presion ta cu si nan ta bay haci cierto trabao na cas, pa NO haci esaki entre 12’or pa 4’or di atardi, pa motibo cu ta haci hopi calor den e horanan menciona. Kiermen si bo ta bay cushina, purba di haci esaki mas trempan, corda cu calor di pafor y calor den cushina por causa cu bo presion lo subi, cu por consecuencia di un atake di curazon of atake cerebral.

-Midi bo presion/Conoce bo numbernan-

Si bo ta un pashent cu ta sufri di presion, ta importante pa bo mes por midi bo presion, ‘know your numbers’ (sa bo numbernan), ta bon pa tuma presion despues di lanta mainta, den horanan di merdia y anochi, pa asina por haya un idea si bo presion ta riba nivel normal.

-Come saludable- 

Sr. Goeloe ta bisa cu ta bon pa cuminsa pone mas atencion riba nos curpa, sin lubida e parti di come saludable, cu ta algo cu semper Wit Gele Kruis a boga p’e.

Come saludable tambe ta nifica como na tempo, como un variedad di fruta y berdura y come menos vet. Baha man na sucu y salo. Corda cu salo ta hisa presion! Ora di bay cumpra productonan na supermercado, lesa e labelnan bon! Hopi biaha productonan den bleki ta contene un cantidad di salo (sodium) hopi halto.

-Bebe mas awa-

Durante e lunanan di calor, tur hende mester bebe mas awa. Si bo no ta gusta bebe awa sin smaak, corta un lamunchi of un apelsina, cualkier fruta di bo gusto y tira den e awa, pone den frigidaire y bebe e awa aki durante dia. Bebe por lo menos 7 pa 8 glas di awa pa dia pa keda hidrata. Cu calor bo ta haya sed, y na Aruba ora un hende haya sed, nan ta busca refresco of juice pa bebe (cu realmente ta duna bo mas sed), enbes di bebe un glas di awa.

-Movecion ta importante-

Movecion ta keda hopi importante pa salud, y den temporada di calor no ta aconsehable pa bay cana entre 12’or pa 4’or. Bay cana den horanan mas fresco, sea mainta trempan of un tiki prome cu solo baha, y si por den sombra y por lo menos 30 hora pa dia 5 biaha pa siman. Wit Gele Kruis ta hopi contento di por wak hendenan move den parkenan y otro partinan di Aruba.

E consehonan aki ta bon hasta pa esnan cu no ta sufri di presion, pero cu kier tin un bida mas saludable.

- Advertisement -

DUNA COMENTARIO

Please enter your comment!
Please enter your name here