ORANJESTAD (AAN) – Campeonato Heineken fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba veldnan na Pos Chiquito.
Den categoria A-Klas Piratas y White Joker a pone un showdown. Piratas a pika ariba den cabez di promer inning cu 5 careda mientras White Joker ta corta ventaha den bom di promer inning cu 2 caredea.
Piratas ta anota 2 careda mas den cabez di 3 pero White Joker ta rally pa 5 careda den bom di tres injning pa empata e wega 7-7. Den cabez di 4 inning Piratas ta anota 1 careda cual porcierto ta bira e careda di victoria. White Joker ta purba pone presion pero no ta logra anota mas careda. Score finalmente 8-7 pa Piratas.
Boxscore final Piratas 8 careda, 6 hit, 4 error y ta laga 4 coredor na base. White Joker 7 careda, 7 hit, 3 error y ta laga 6 coredor den circulacion. Piratas ta bati como equipo di 23-6 pa un averahe di 261 mientras White Joker ta bay di 23-7 pa un averahe como equipo di 304.
Mihor bateadornan pa Piratas ta Jonathan Barry 3-1 cu un triplete, Leyvis Gonzalez di 2-2 incuyendo un doblete, Pablo Reid y Jossiel Jacobs ambos di 2-1, Ever Vivanco di 3-1. Pa White Joker a destaca na plato den causa perdi Rajiv Cornelio, Mario Kock y Sandrick Wester tur di 2-1, Ludwin Dabian y Rhajin Donata di 3-1.
William Bentez kende ta drenta releva Guileermo Momtiel den di tercer entrada ta lansa 3 inning enfrentando 14 bateador, 24 bola, 38 strike pa un total di 62 lansamento permitiendo 1 careda limpi tras di 3 hit regalando 4 base por bola ta seya e victoria riba su nomber.
Henk Arnold kende ta drenta releva Ludwin Dabian ta enfrenta 20 bateador den 5 inning, 17 bola, 49 strike pa un total di 66 pitch ta permiti 3 careda tras di 3 hit y ta bay cas cu e derota riba su nomber.
Weganan ta continua awe diahuebs na veld di Dragon Hitters unda pa 7.15pm Black Joker vs White Joker y pa 9pm Jay’s Tire vs Celebrities.. Diabierna 7.15pm na Pos Chiquito 7.15pm Blackhawks vs Black Joker y pa 9pm Royal Power Tat Fat Home Depot vs Spuiters MIPA.
Diabierna simultaneamente pa 8 pm na Dragon Hitters pa 8pm Piratas lo enfrenta The Prodigies. Pues weganan di campeonato oficial ta den pleno desaroyo.
