Home Policial Pista clandestino cu avioneta yen di droga haya na Estado Falcon

Pista clandestino cu avioneta yen di droga haya na Estado Falcon

687
0
SHARE
- Advertisement -

ORANJESTAD (AAN): Informacion for di Punto Fijo, ta mustra cu autoridad Venezolano a confisca un avioneta tipo Piper PA-31 cu matricula Mericano, den cual tabatin 125 paki di cocaina, cu a pisa casi 144 kilo.

E avioneta a wordo haya na un pista clandestino di aterizahe den parti pariba di Estado Falcon, den pueblo Los Pedros cu ta den parokia Casigua.

Organizacion Nacional Antidrogas (ONA) di Venezuela a revela e caso aki.  Nan a bisa tambe cu relaciona cu e investigacion aki, nan a confisca un Ford F350 truck, dos motorcycle, y mas di 60 bari conteniendo Jetfuel, cu supuestamente ta wordo usa pa asina transporta e droga aki.

Narcotraficantenan ta usando e pista di aterizahe aki pa asina transporta droga.  No ta conoci si acaso e droga ta wordo treci for di Colombia, of si acaso di aki nan ta hiba e droga pa un dropping sea na Aruba of Curacao.

Hefe di ONA a bisa cu e organizacion di narcotraficantenan aki a hasta purba na tapa e matricula Mericano di e avion, kizas pa ‘desacredita e politica contundente di Gobierno di Nicolas Maduro contra e trafico ilegal di droga,” el a bisa.

- Advertisement -

DUNA COMENTARIO

Please enter your comment!
Please enter your name here